भारत के पड़ोसी देश नेपाल एक बेर फेरु से तेज भूकंप से हिल गइल बा. महज कुछ मिनट के अंतराल में इहाँ आईल भूकंप के चलते धरती दु बेर हिल गईल। एकरा चलते लोग डेरा गईले अवुरी घर से बाहर भागे लगले। बतावल जाता कि शनिचर के सबेरे नेपाल के अलग-अलग इलाका में दु बेर हल्का तीव्रता के भूकंप महसूस भईल।
हालांकि इs राहत के बात बा कि अबे ले भूकंप के चलते कवनो प्रकार के नुकसान के तुरंत जानकारी नईखे मिलल। नेपाल के राष्ट्रीय भूकम्प निगरानी केन्द्र के मुताबिक काठमांडू से करीब 300 किलोमीटर दूर बागलुंग जिला में सबेरे 6.20 बजे आईल भूकंप।
रिक्टर पैमाने पs तीव्रता 4.1 रहे
नेपाल में आईल भूकंप के चलते स्थानीय लोग घबराहट में बाड़े। एकर तीव्रता रिक्टर पैमाना पs 4.1 बतावल गइल बा। एकर केंद्र जिला के खुखानी इलाका बतावल जाला। एकरा से पहिले कहलस कि बागलुंग से करीब 40 किलोमीटर दूर म्याग्दी जिला में सबेरे 3.14 बजे भूकंप के झटका महसूस भईल। केंद्र के कहनाम बा कि एकर तीव्रता रिक्टर पैमाना पs चार में नापल गईल अवुरी एकर केंद्र म्याग्दी जिला के मुरी इलाका बा।
इहो पढ़ीं: शरीर में बढ़ गइल बा यूरिक एसिड के मात्रा, तs खाई इs चटनी जल्दिए नजर आई फर्क
