मेजर ध्यानचंद खेल पुरस्कार हासिल करे वाले शरत कमल अचंता कई साल से टेबल टेनिस में भारत के नाम रोशन कर रहल बानें। एह साल राष्ट्रमंडल खेल में भी ऊ शानदार प्रदर्शन कइलें। अचंता शरत कमल एह साल राष्ट्रमंडल खेल में तीन स्वर्ण अउर एक रजत पदक अपने नाम कइलें। एकरे बाद उनके एह पुरस्कार के लिए चुनल गइल बा। शरत के नाम राष्ट्रमंडल खेल में कुल सात स्वर्ण, तीन रजत अउर तीन कांस्य पदक बा। एशियाई खेल अउर एशियन चैंपियनशिप में ऊ दो-दो कांस्य जीतले बानें। शरत कमल खेल रत्न पावे वाले दूसरे टेबल टेनिस खिलाड़ी बानें। उनसे पहिले मनिका बत्रा के ई पुरस्कार दिहल जा चुकल बा।
अर्जुन अवॉर्ड खातिर चुनल गइल अधिकतर खिलाड़ी राष्ट्रमंडल खेल 2022 में भारत खातिर पदक लेकर आइल रहनें। एहमें बैडमिंटन के युवा स्टार लक्ष्य सेन अउर महिला मुक्केबाज निकहत जरीन, शतरंज खिलाड़ी आर प्रज्ञानानंद अउर पहलवान अंशु मलिक भी शामिल बानें। एह साल क्रिकेट के कौनो खिलाड़ी अर्जुन अवॉर्ड खातिर नाइ चुनल गइल बा।
Comments are closed.