महाराष्ट्र के मुंबई में चलत ट्रेन से गिर के 4 लोग के मौत हो गईल अवुरी बहुत यात्री घाही हो गईले। दुर्घटना मुंबरा रेलवे स्टेशन पs सबेरे 9.20 बजे भइल। छत्रपति शिवाजी टर्मिनल के ओर जात स्थानीय ट्रेन में सवार यात्री अवुरी फास्ट ट्रैक प आवत ट्रेन के टक्कर होके गिर गईले। एह हादसा में घायल लोग के इलाज खातिर छत्रपति शिवाजी महाराज अस्पताल कलवा में भर्ती करावल गइल बा.
ट्रेन से गिरल यात्री के बारे में शुरुआती जानकारी कसरा के ओर जाए वाला स्थानीय गार्ड के ओर से दिहल गईल। केंद्रीय रेलवे के कहनाम बा कि दुर्घटना के जांच शुरू हो गईल बा। एह घटना से स्थानीय सेवा भी प्रभावित भइल बा। पुलिस दुर्घटना में 4 लोग के मउत के पुष्टि कईले बिया। एकरा संगे 13 लोग घायल होखे के बात कहल जाता। एह हादसा में जीआरपी जवान विक्की मुखियादल के भी मउत हो गईल।
दुर्घटना कईसे भईल?
केंद्रीय रेलवे के मुख्य जनसंपर्क अधिकारी स्वप्नील धनराज नीला बतवले कि आठ लोग पटरी पs गिर गईले। अबे तक अस्पताल से मउत के कवनो खबर नईखे मिलल। इd हादसा मुंबरा अवुरी दिवा रेलवे स्टेशन के बीच भईल। दुर्घटना के शिकार यात्री स्थानीय ट्रेन के दरवाजा पs लटकल सफर करत रहले। दुनो लोग के बैग एक दूसरा से टकरा गईल, जवना के चलते इs दुर्घटना भईल। जनसंपर्क अधिकारी बतवले कि उनुका एs दुर्घटना के जानकारी रात के 9.30 बजे मिलल। उs बतवले कि एगो लोकल ट्रेन कसरा के ओर जात रहे अवुरी दूसरा ट्रेन सीएसटीएम के ओर आवत रहे। दुनो स्थानीय ट्रेन के यात्री दरवाजा पs लटकल खड़ा रहले। एहमें से एगो यात्री के बैग के टक्कर के चलते दुआर पs खड़ा यात्री पटरी पs गिर गईले। स्थानीय ट्रेन के फुट बोर्ड पs खड़ा होके सफर करत लोग गिर गईल बाड़े।
इहो पढ़ीं : सबेरे-सबेरे: अगर रउरा के दिन भर भूख ना लागेला तs इs योग नियमित रूप से करीं
