कुछ देर में होई मुलायम सिंह के अंतिम संस्कार, जुटल जनसैलाब

कुमार आशू

मुलायम सिंह यादव के पार्थिव शरीर के सलामी देवे खातिर गार्ड मेला ग्राउंड में पहुंच गइल बानें। मुलायम सिंह के पार्थिव शरीर मेला ग्राउंड पर लावल गइल। कुछ देर में इहां उनकर अंतिम संस्कार राजकीय सम्मान के संगे होई। अंतिम विदाई के तैयारी पूरा कs लिहल गइल।

नेताजी के अंतिम संस्कार के अंतिम प्रक्रिया

मुलायम सिंह यादव के अंतिम संस्कार के अंतिम प्रक्रिया चल रहल बा। अखिलेश यादव कुछ देर में मुलायम सिंह के मुखाग्नि दीहें।

अंतिम दर्शन खातिर उमड़ल सैलाब

सैफई में उत्तर प्रदेश के पूर्व सीएम मुलायम सिंह यादव के अंतिम दर्शन खातिर सैलाब उमड़ गइल बा। अंतिम यात्रा में नेताजी अमर रहे के नारा लागल।

Share This Article