- बिहार: हिरासत में 11 के गोली मारे वाला चारो संदिग्ध, रांची भागे के फिराक में रहे मास्टरमाइंड केशव, बिदेसी पिस्टल से 40 मिनट ले कइले रहे नेशनल हाइवे 28 से 31 प 30 किमी ले फायरिंग। 11 लोगन के गोली लागल जेमे 1 के हो गइल रहे मौत।
- बिहार: मुज्जफरपुर किडनी केस के मरीज IGIMS पहुंचली; अभी डायलिसिस प राखल जाई सुनीता के, किडनी ट्रांसप्लांट के होई कार्रवाई। युर्ट्र्स के ऑपरेशन बता के निकालल गइल रहे किडनी।
- उत्तर प्रदेश: लखनऊ में बरखा से देवाल गिरला से 9 के मौत; दिलकुशा कॉलोनी में तड़के 3 बजे हादसा, मृतकन में कइयन गो लईका सामिल, दु के हालात गंभीर।
- उत्तर प्रदेश: यूपी सीएम योगी आज करिहें पोषण माह के सुरुआत, 501 आंगनबाड़ी केन्द्रन के होई लोकार्पण, बाल पिटारा ऐप कइल जाई लांच।
- झारखंड: उड़ान योजना, 10 साल के बाद अब 30 अक्टूबर से सोनारी एयरपोर्ट से। विमान सेवा, कोलकाता आ भुवनेश्वर खातिर नियमित उड़ान। यात्रियन के अभाव में 10 साल पहिले बंद कइल गइल रहे उड़ान।
- राजस्थान के दौसा में 200 फीट के बोरवेल में गिरल 2 साल के मासूम, देसी जुगाड़ से बचावल गइल। साढ़े 7 घण्टा में लईकी के बहरी निकालल गइल।
- सलमान के फॉर्म हाउस में मारे के3 रहे साजिश, लॉरेंस गैंग कइले रहे प्लानिंग, पिछला साल 4 बेर सलमान के हत्या करे के कइल गइल कोसिस। पंजाब पुलिस कइलस खुलासा।
- आज से उज्बेकिस्तान में SCO समिट: पीएम मोदी समरकंद पहुंचले, जिनपिंग आ शाहबाज शरीफ से मुलाकात प सस्पेंस। SCO के 22 वां बइठक 2 दिन चली।
- स्विस स्टार टेनिस प्लेयर रोजर फेडरर के सन्यास के घोषणा, लेवर कप में आखिरी बेर खेलिहें। 20 ग्रैंड स्लैम सिंगल्स खिताब जीते वाला पहिला पुरुष खिलाड़ी बनल रहस।
- टी-20 वर्ल्ड कप खातिर पाकिस्तान के टीम के घोषणा: शाहीन शाह अफरीदी के वापसी, फखर जमान 15 सदस्यीय टीम से बाहर।
