सितंबर में देश में 26 लाख से जियादा अकाउंट भइल बैन, व्हाट्सएप मासिक रिपोर्ट में दीहलें जानकारी

व्हाट्सएप अपने मासिक अनुपालन रिपोर्ट में कहलें कि एक सितंबर, 2022 से 30 सितंबर, 2022 के बीच 26,85,000 खाता पर रोक लगावल गइल। एहमें से 8,72,000 खाता पर यूजर्स से कौनो शिकायत मिलने से पहिलही रोक लगा दीहल गइल। इंटरनेट के सुरक्षित अउर भरोसेमंद बनावे के सरकार के इच्छा के जवाब में कंपनी के प्रवक्ता एक बयान में कहलेंकि “आईटी नियम 2021 के अनुसार, हमनीं के सितंबर 2022 के महीना के रिपोर्ट पब्लिश कइले बानीं। एह यूजर-सेफ्टी रिपोर्ट में मिलल शिकायतन अउर व्हाट्सएप के ओर से कइल गइल कार्रवाई के डीटेल बा। साथ ही, एहमें हमनीके प्लेटफॉर्म पर गलत उपयोग से निपटले के कंपनी के ओर से उठावल गइल बा कदम भी शामिल बा।”

रिकॉर्ड खातिर, सरकार 28 अक्तूबर के संशोधित सूचना प्रौद्योगिकी नियम अधिसूचित कइलें, जेकरे तहत सोशल मीडिया प्लेटफॉर्म के खिलाफ उपयोगकर्ता के शिकायत दूर करे खातिर अपीलीय पैनल स्थापित कइल जाई। सोशल मीडिया यूजर्स के शिकायत के समाधान खातिर तीन महीना में सरकार द्वारा नियुक्त अपीलीय समिति के गठन कइल जाई।