मेकअप नियमित रूप से करे वाला अधिकांश लोग एकरा के हटावे खातीर केमिकल उत्पाद के सहारा लेवेले, जवना के चलते त्वचा पs बहुत दुष्प्रभाव होखे लागेला। एगो शोध में पाता चलल कि लगातार अल्कोहल बेस्ड मेकअप रिमूवर के इस्तेमाल करेवाला लोग इनकर त्वचा बेहद सूखल होखे लागेला। इहे कारण बा कि अयीसन लोग के त्वचा पs अनचाहा पिंपल्स अवुरी मुँहासा जईसन बहुत समस्या देखाई देवे लागेला। एहसे मेकअप हटावे खातीर प्राकृतिक चीज़ के इस्तेमाल सुरक्षित अवुरी आसान तरीका मानल जाला। घर के बनावल मेकअप रिमूवर से पईसा के बचत जरूर होखेला। एकरा संगे त्वचा भी स्वस्थ अवुरी चमकदार रहेले।
मेकअप के हटावे के घरेलू उपाय
बेबी ऑयल सबसे बढ़िया तरीका हs: मेकअप के हटावे खातिर बेबी ऑयल के बेहतर विकल्प मानल जाला। कहल जाता कि बच्चा खातीर बनल उत्पाद में कम से कम रसायन होखेला, जवना के चलते इs हमनी के त्वचा के धीरे से इलाज कs सकता अवुरी मेकअप के हटावे के संगे इs त्वचा के बच्चा जईसन मुलायम भी बना दिही।
कच्चा दूध : मेकअप के हटावे खातिर कच्चा ठंडा दूध के भी इस्तेमाल कईल जा सकता। एकरा खातिर एगो छोट कटोरी में कुछ कॉटन बॉल्स के दूध में डुबा के एs कॉटन बॉल्स के मदद से त्वचा से मेकअप निकाल सकेनी।
नारियल तेल : नारियल तेल के इस्तेमाल बहुउद्देशीय काम खातिर होला। एकरा मदद से वाटरप्रूफ मेकअप भी आसानी से निकालल जा सकता एकरा खातीर चेहरा के मालिश करत समय एकरा के लगाई अवुरी कुछ समय तक छोड़ दीं। एकरा बाद कॉटन बॉल्स से मेकअप हटावे के कोशिश करीं। मेकअप हटावे खातिर इs तरीका सबसे निमन बा।
एलोवेरा जेल के इस्तेमाल : एलोवेरा हर प्रकार के त्वचा खातीर बहुत फायदेमंद होखेला। अगर एकर इस्तेमाल चेहरा से मेकअप हटावे खातिर करीं तs मेकअप हटावे के अलावे अवुरी बहुत समस्या से भी छुटकारा पा सकतानी। एकरा मदद से आप बिना कवनो डर के आसानी से अवुरी सुरक्षित तरीका से आंख के मेकअप निकाल सकेनी।
इहो पढ़ीं: शरीर में बढ़ गइल बा यूरिक एसिड के मात्रा, तs खाई इs चटनी जल्दिए नजर आई फर्क
