महाराष्ट्र के चंद्रपुर में फुटओवर ब्रिज के एगो हिस्सा ढह गइल। हादसा में एगो 48 साल के महिला के मौत हो गइल बा, जबकि 12 अन्य घायल हो गइलें। एमें से तीन लोग के हालत गंभीर बतावल जा रहल बा। हादसा बल्हारशाह रेलवे स्टेशन पर भइल। जानकारी के मुताबिक, महाराष्ट्र में चंद्रपुर में जिला के बल्हारशाह रेलवे स्टेशन पर फुट ओवरब्रिज के एगो हिस्सा धराशाई हो गइल। ब्रिज के ऊंचाई करीब 60 फीट बतावल जा रहल बा। हादसा के समय एह पर कई लोग मौजूद रहनें। हादसा के समय लोग 60 फीट के ऊंचाई से रेलवे पटरी पर जा के गिरनें। राहत अउर बचाव कार्य जारी बा।
#WATCH | Slabs fall off of a foot over bridge at Balharshah railway junction in Maharashtra's Chandrapur; people feared injured pic.twitter.com/5VT8ry3ybe
— ANI (@ANI) November 27, 2022
सरकारी रेलवे पुलिस के एगो अधिकारी बतवलें कि बड़ संख्या में यात्री पुणे जाए वाली ट्रेन में सवार होखले के चलते एफओबी के इस्तेमाल करत रहनें, तब्बे एकर एगो हिस्सा अचानक गिर गइल। नतीजतन कुछ लोग रेलवे ट्रैक पर गिर गइलें। जिला सूचना कार्यालय कहलस कि एह घटना में 13 लोग घायल भइल बानें। उनके बल्लारपुर ग्रामीण अस्पताल ले जाइल गइल बा अउर ओमें से कुछ लोग के बाद में चंद्रपुर सरकारी मेडिकल कॉलेज अउर अस्पताल (जीएमसीएच) में रेफर क दिहल गइल।
