मुंबई : स्टैंडअप कामेडियन कुणाल कामरा मुंबई पुलिस के तीसरको समन पs ओकरा सामने हाजिर ना भइलें। उपमुख्यमंत्री एकनाथ शिंदे पs अशोभनीय टिप्पणी कइला के कारण उनका विरुद्ध मुंबई में एफआईआर दर्ज बा। बतावल जा रहल बा कि ऊ एह समय पुडुचेरी में रह रहल बाड़ें।
महाराष्ट्र के डिप्टी सीएम एकनाथ शिंदे के नाम लेले बिना उनका के गद्दार कहके उनका विरुद्ध अशोभनीय टिप्पणियां करे के कारण कुणाल कामरा के खिलाफ मुंबई, नासिक आ जलगांव में तीन अलग-अलग एफआईआर दर्ज कइल गइल रहे।
तीसरको समन में हाजिर ना भइलें कामरा
ई तीनो एफआईआर मुंबई के खार पुलिस थाना के स्थानांतरित कइल जा चुकल बा। एहिसे कामरा के खार पुलिस के सामने हाजिर होखे के बा, बाकिर ऊ तीसरको समन पs हाजिर ना भइलें। दूसरका ओर मद्रास उच्च न्यायालय सात अप्रिल तक उनका के अंतरिम अग्रिम जमानत दे देले बा।
बुक माय शो एप से हटावल गइल कुणाल कामरा के नाम
ओने, शिवसेना शिंदे गुट दावा कइले बा उनका पार्टी के इंटरनेट मीडिया इंचार्ज राहुल कनाल द्वारा पत्र लिखला के बाद टिकट बुकिंग एप ‘बुक माय शो’ अपना प्लेटफॉर्म से कुणाल कामरा के नाम आ उनकर प्रोफाइल हटा देले बा। लिस्ट में अब उनकर नाम अब नइखे दिख रहल।
