देश आ दुनिया के इतिहास में 11 जून के तारीख के दर्ज अउरी बड़हन घटना के विवरण निम्नलिखित बा…
आज साल के छठवाँ महीना के 11वां दिन आ निकले वाला साल के 162वां दिन बा आ अब 203 दिन के सफर बाकी बा। 11 जून के इतिहास के बात करत आज के दिन देश के पहिला प्रधानमंत्री जवाहरलाल नेहरू के इच्छा के मुताबिक उनकर राख देश भर में छिड़वावल गइल। दुनिया के इतिहास में ब्रिटेन खातिर 11 जून के दिन के खास महत्व बा। दरअसल, 11 जून के ही ब्रिटेन के ‘आयरन लेडी’ के नाम से जानल जाए वाली मार्गरेट थैचर तीसरा बेर देश के प्रधानमंत्री के पद सम्हरली आ देश के 160 साल में ई उपलब्धि हासिल करेवाली पहिला राजनेता बन इतिहास रच देली ।
- 1770 : कैप्टन जेम्स कुक के ऑस्ट्रेलिया के ग्रेट बैरियर रीफ के खोज भइल ।
- 1776 : अमेरिका के आजादी के घोषणापत्र तइयार करे खातिर एगो समिति के गठन भइल ।
- 1897 : भारत के प्रसिद्ध क्रांतिकारी पंडित रामप्रसाद ‘बिस्मिल’ के जन्म।
- 1921 : ब्राजील में चुनाव में महिला लोग के वोट देबे के अधिकार मिलल ।
- 1935 : एडविन आर्मस्ट्रांग पहिला बेर एफएम पर प्रसारण कइले ।
- 1940 : यूरोपीय देश इटली मित्र देशन के खिलाफ युद्ध के घोषणा कइलस।
- 1955 : पहिला मैग्नीशियम जेट हवाई जहाज उड़ल।
- 1964 : जवाहरलाल नेहरू के इच्छा के मुताबिक उनकर राख देश भर में छिड़वावल गइल।
- 1987 : 160 साल में पहिला बेर मार्गरेट थैचर लगातार तीसरी बेर ब्रिटिश प्रधानमंत्री बनली।
- 2001 : 1995 में अमेरिका के ओकलाहोमा शहर में एगो संघीय भवन पर बम फेंके वाला टिमोथी मैग के फांसी के सजा सुनावल गइल ।
- 2010: अफिरका में 19वां फुटबॉल विश्व कप टूर्नामेंट के आयोजन भइल। अफ्रीका महाद्वीप में पहिला बेर एह प्रतियोगिता के आयोजन भइल रहे ।