छपरा : जय प्रकाश यूनिवर्सिटी में स्नातक सत्र 2024-28 के पहिला सेमेस्टर के परीक्षा के एडमिट कार्ड वितरण आज से सुरू होई। परीक्षा विभाग बतवलस कि अधिकांश छात्रन के एडमिट कार्ड तइयार बा।
परीक्षा 2 अप्रिल से 9 अप्रिल तक चली। कदाचार मुक्त परीक्षा खातिर छपरा, सीवान आ गोपालगंज के 18 कॉलेजन के परीक्षा केंद्र बनावल गइल बा। परीक्षा नियंत्रक डॉ. अशोक कुमार मिश्र के अनुसार परीक्षा केंद्रन के सूची जारी कs दिहल गइल बा।
छात्रन के सुविधा खातिर कॉलेजन में 2-3 विशेष काउंटर बनावल जाई। एडमिट कार्ड लेवे खातिर छात्रन के ऑनलाइन रसीद दिखावे के होई। एडमिट कार्ड में कवनो त्रुटि खातिर छात्र कॉलेज में सुधार के आवेदन कs सकत बा लो।
स्नातक के अवधि 4 साल के
जेपीयू में 2023 से स्नातक पाठ्यक्रम में सीबीसीएस सिलेबस लागू कइल गइल बा। अभी स्नातक के अवधि 4 साल के होई। एमे 8 सेमेस्टर होई। 6 सेमेस्टर पूरा कइला पs डिग्री मिली। 8 सेमेस्टर पूरा करे वाला छात्र रिसर्चो कs सकी लो।
नया सिलेबस में छात्रन के मुख्य विषय के संगे एगो एडिशनल विषय पढ़ल अनिवार्य है। हर सेमेस्टर में ई एडिशनल विषय बदली। एकरा से छात्रन के अलग-अलग क्षेत्रन के ज्ञान मिली आ कोर्स जादे रोचक होई।