भारत जोड़ो यात्रा: राहुल के मिलल पूजा भट्ट के साथ, हैदराबाद में पुलिस के धक्का से घायल भइलें पूर्व मंत्री राउत

भारत जोड़ो यात्रा के आजु 56 वां दिन ह। तेलंगाना में ई पिछला करीब एक सप्ताह से भ्रमण कर रहल बा। एसे पहिले अभिनेत्री पूनम कौर भी राहुल गांधी के साथ यात्रा में शामिल भइल रहली। राहुल गांधी अउर पूनम कौर के एक तस्वीर भी वायरल भइल रहे, जेमें दूनों एक-दूसरा के हाथ पकड़ले नजर आ रहल रहनें। एह तस्वीर के ले के सियासत गरमा गइल रहे। कर्नाटक भाजपा के नेता प्रीति गांधी तस्वीर के शेयर करत लिखले रहनें ‘अपने परदादा के पदचिह्न पर चलत!’ एह ट्वीट के ले के प्रीति गांधी के कड़ आलोचना भइल रहे।

कांग्रेस नेता राहुल गांधी मंगर के हैदराबाद के पहचान चार मीनार के सामने तिरंगा फहरवले रहनें। करीब 32 साल पहिले उनके पिता अउर तत्कालीन पार्टी अध्यक्ष राजीव गांधी ओही स्थान से ‘सदभावना यात्रा’ के शुरुआत कइले रहनें। राहुल गांधी जब राष्ट्रीय ध्वज फहरवलें तब कांग्रेस महासचिव जयराम रमेश, वरिष्ठ पार्टी नेता दिग्विजय सिंह, तेलंगाना प्रदेश कांग्रेस समिति (टीपीसीसी) के अध्यक्ष रेवंथ रेड्डी भी मौजूद रगलें। राहुल गांधी ‘भारत जोड़ो’ के नारा अउर सड़क किनारे ठाढ़ भीड़ के बीच चारमीनार पहुंचलें। एह दौरान चारमीनार जाए वाले सड़क पर बड़ संख्या में पार्टी के झंडा के संगे कार्यकर्ता मौजूद रहलें। 

एह मौका पर राहुल गांधी मंच पर पिता राजीव गांधी के तस्वीर पर पुष्प अर्पित कs के उनके श्रद्धांजलि देहलें।