जम्मू कश्मीर के किश्तवाड़ जिला में सेना के हेलीकाप्टर दुर्घटनाग्रस्त हो गइल बा। एह हेलीकाप्टर में तीन लोग रहले। एह घटना में 2 लोग के घायल होखे के जानकारी सामने आ रहल बा।
जम्मू कश्मीर के किश्तवाड़ जिला में भारतीय सेना के हेलीकाप्टर दुर्घटनाग्रस्त हो गइल बा। एह हेलीकाप्टर में तीन लोग रहुवे जवना में से दू लोग घवाहिल होखे के खबर बा। अभी तक मिलल जानकारी के मुताबिक सेना के एएलएच ध्रुव हेलीकाप्टर दुर्घटनाग्रस्त हो गईल बा। एह हादसा में पायलटन के चोट लागल बा बाकिर कहल जात बा कि ऊ लोग सुरक्षित बा। सेना के अधिकारी एकर पुष्टि कईले बाड़े। रउरा सभे से निहोरा बा कि ई घटना किश्तवाड़ के मरवाह इलाका में भइल बा। पुलिस अधिकारी के मुताबिक हेलीकाप्टर दुर्घटना से जुड़ल प्रारंभिक जानकारी के पता चलल बा, लेकिन एकरा बारे में अवुरी जानकारी के इंतजार बा।