लुधियाना गैस लीक: 11 मौतन के वजह आइल सामने; NDRF के जांच रिपोर्ट में खुलासा- ई खतरनाक गैस लेलस सभे के जान

पंजाब के लुधियाना में जहरीली गैस 11 लोगन के जान लेलस। अब ई स्पष्ट हो गइल बा कि कवना गैस के वजह से सभे के मौत भइल बा। लुधियाना के डीसी सुरभि मलिक के मोताबिक राष्ट्रीय आपदा अनुक्रिया बल (NDRF) घटनास्थल से सैंपल जुटवले रहे। अब जांच में स्पष्ट हो गइल बा कि सीवरेज लाइन में औद्योगिक अपशिष्ट (कचरा) डालल गइल रहे। एह वजह से हाईड्रोजन सल्फाइड गैस बनल। एह गैस के दिमाग में चढ़ला से मौत हो जाला। गोयल किराना के लगे सीवरेज लाइन से गैस के रिसाव भइल। घटना के मजिस्ट्रेट जांच के आदेश दिहल बा। जांच के बाद कार्रवाई होई।

बुलू पड़ गइल शव

लुधियाना में गैस रिसाव से भइल 11 लोगन के मौत के बाद इलाका में दहशत कायम बा। एगो मृतक के परिजन अंजन कुमार बतवलें कि गैस के असर अइसन रहे कि लोगन के मवके पs मौत हो गइल। तीन शव बुलू पड़ गए। संक्रमण के खतरा के देखते लोग अपना घरन के केवड़ियन आ जंगला के बन कs लिहल। एगो आउर स्थानीय कहलें कि उनका परिवार के कइयन सदस्य घटनास्थल में फंसल रह लो। डीसी सुरभि मलिक कहली कि हमनी के अपील करत बानी सs कि कवनो तरे के अफवाहन पs विश्वास मत करीं आ घबराई मत। ऊ स्थानीय लोगन से मास्क पहिनले आ घटनास्थल से तानिका देर बनावल रखे खातिर अपील कइली।

ताश के पत्तन के तरे गिरे लागल लोग

ग्यासपुरा औद्योगिक क्षेत्र में अतवार के सबेरे जहरीली गैस तांडव मचवलस। सबेरे लोग चाय, दूध आ किराना के सामान लेवे निकलल तs बाकिर एमे से 11 लोग अब कबो लवट के ना सकी। इलाका में गैस एतना भयानक फइलल रहे कि लोग ताश के पत्तन के तरे गिरे लागल। पूरा इलाका में कोहराम मच गइल। गोयल कोल्ड ड्रिंक स्टोर के बाहर लोगन के जमीन पs गिरल देख केहूओ के आगे जाये के हिम्मत ना पड़ल। कइयन लोग भागके आपन जान बचावल।

ड्रोन से पुलिस इलाका के जांच कइलस 

गोयल कोल्ड ड्रिंक स्टोर आ आरती क्लीनिक के ऊपर मालिकन के घर बा। एकरा संगही नवनीत कुमार के घर बा। आशंका रहे कि घर के ऊपरो लोग गिरल हो सकत बा। अधिकारी लोग ड्रोन कैमरा मंगवावल आ घटनास्थल के अगल-बगल पूरा इलाका के जांच कइलस।

साभार: अमर उजाला

5331410cookie-checkलुधियाना गैस लीक: 11 मौतन के वजह आइल सामने; NDRF के जांच रिपोर्ट में खुलासा- ई खतरनाक गैस लेलस सभे के जानno