सेंट्रल डेस्क : रियासी में एनएच-144ए के पास जंगल में भीषण आग लाग गइल बा। अग्निशमन प्रयास जारी बा। हालांकि आग कइयन दिनन से लागल बा बाकिर अब ई चिंताजनक हो उठल बा, काहेकि एकरा से आसपास के गांवन के खतरा बा।
आसपास के गांवन के अलावे लगातार फइल रहल आग से नेशनल हाईवे आ ओकरा आसपास बनल इलाकन में खतरा के घंटी बाजे लागल बा। आग के जद में सइयन हेक्टेयर जंगल के इलाका आ गइल।
हालात के गंभीरता के देखत अग्निशमन विभाग आग के काबू करे खातिर कइयन गो टीमन के गठन कइले बा। विभाग के कोसिस बा कि सबसे पहिले आग के फइले से रोकल जाव आ फेर ओकरा से नियंत्रित कs के बुझावल जाव।
Read Also: 14 जून 2025 के राशिफल
