जम्मू कश्मीर के डोडा जिला में सुरक्षा बल एगो आतंकी के गिरफ्तार क लिहले बा. पुलिस अधिकारी बतवले कि आतंकी के लगे से एगो चीनी पिस्तौल, दु गो मैगजीन अवरू कुछ गोली बरामद भईल बा। उ बतवले कि गोपनीय जानकारी के आधार प पुलिस अवुरी सुरक्षा बल के संयुक्त तलाशी दल डोडा शहर के बाहरी इलाका से आतंकी के गिरफ्तार क लेलस। आतंकी से पूछताछ चालू बा।
एकरा संगे-संगे ए महीना के शुरुआत में पुलवामा जिला में पुलिस अधिकारी के हत्या के मामला में उनुकर रिश्तेदार समेत तीन लोग के गिरफ्तार कईल गईल बा। उपनिरीक्षक फारूक अहमद के 16 अवुरी 17 जून के बीच के रात में उनुका घर के नजदीक गोली मार के हत्या क दिहल गईल। उनुकर लाश धान के खेत में मिलल बा।
प्रवक्ता बतवले कि आरोपी अरस्लान बशीर उर्फ फैजल, संबुरा पम्पोर, तौकीर मंजूर अवुरी ओवैस मुश्ताक के निवासी अधिकारी के पड़ोसी हवे। उ कहले कि मंजूर भी पुलिस अधिकारी के रिश्तेदार हवे। उ कहले कि आरोपी कथित तौर प आतंकी मजीद नजीर वानी के इशारा प अहमद के हत्या कईले बाड़े। पुलवामा के तुज्जन इलाका में 21 जून के भइल मुठभेड़ में वानी के मौत हो गइल रहे.
