जम्मू कश्मीर के पुंछ जिला में शनिचर के सांझ के आतंकवादी सुरक्षा वाहन पs गोली चला दिहले. एह हमला में सेना के तीन जवान घवाहिल हो गइलें. अधिकारी ए मामिला के जानकारी देले।
अधिकारी बतवले कि सुरनकोटे के सनाई गांव में गोलीबारी के रिपोर्ट मिलल बा अवुरी एकर विवरण के पता लगावे खातीर सेना अवुरी पुलिस के इलाका में भेजल गईल बा। ई हमला आजु साँझ करीब 6:15 बजे भइल. एमईएस के एगो मिलिट्री गाड़ी शसटार से जारावाली के ओर जवान के लेके जात रहे।
रास्ता में बक्करवाल मोहल्ला सनाई के पास आतंकी हमला कs दिहले बाने सs। एह हमला में तीन जवान घवाहिल हो गइल बाड़े. बाकी जवान तुरंत आपन पोजीशन लेके गोलीबारी के जवाब देले।