स्थापना दिवस समारोह में भाग लेवे खातिर उत्सुक विश्वविद्यालय के अंतर्राष्ट्रीय पुरातन छात्र

Sonu Kishor

गोरखपुर: दीनदयाल उपाध्याय गोरखपुर विश्वविद्यालय के अंतर्राष्ट्रीय पुरातन छात्र आगामी 1 मई के होखे वाला स्थापना दिवस समारोह में भाग लेवे खातिर उत्साहित बाड़न।

कुलपति प्रो.पूनम टंडन विश्वविद्यालय के वैश्विक नेटवर्क के आउर मजबूत करत घरी नेपाल में एगो अंतरराष्ट्रीय पुरातन छात्र चैप्टर के गठन के पहल का गइल।

अंतर्राष्ट्रीय पुरातन छात्र परिषद के अध्यक्ष डॉ. एम. एल. शर्मा कहले कि नेपाल के 15 प्रतिष्ठित पुरातन छात्र लो के एगो प्रतिनिधिमंडल, जवना से सब डीडीयू गोरखपुर विश्वविद्यालय में अलग – अलग डिग्री कार्यक्रम पूरा कइले बा आ वर्तमान में उच्च शिक्षा संस्थानन में शिक्षक के रूप में कार्यरत बा लो , समारोह में भाग लिही। नेपाल के उल्लेखनीय पुरातन छात्र लोगन में प्रोफेसर एन.पी. पहाड़ी, प्रो. वीरेंद्र तखुर, डॉ. लाल बेबू शाह, डॉ. जी ढुंगाना, डॉ. पी.एस. भंडारी, डॉ. एन.पी. सतकोटा, आ डॉ. लक्ष्मी कवंर शामिल बा लो।

एकरा अलावे, संयुक्त राज्य अमेरिका के पुरातन छात्र लोगन के एगो प्रतिनिधिमंडल समारोह में भाग लेवे खातिर आपन रुचि व्यक्त कइले बा। डलास स्थित व्यवसाय उद्यमी केएन सिंह आ एएमडी के वरिष्ठ प्रबंधक मुकुल शर्मा आ टीसीएस के वरिष्ठ निदेशक शिवेश सिन्हा जइसन पूर्व छात्र उऽ लोगन मे से बा जे विश्वविद्यालय के स्थापना दिवस के जश्न मनावे खातिर उत्साहित बा।

दीन दयाल उपाध्याय गोरखपुर विश्वविद्यालय के कुलपति प्रो.पूनम टंडन अंतरराष्ट्रीय पूर्व छात्र समुदाय से मिलल जबरदस्त प्रतिक्रिया पऽ खुशी जाहिर कइली। उऽ कहली, “नेपाल आ संयुक्त राज्य अमेरिका दुनु से हमनी के सम्मानित पूर्व छात्र लोगन के भागीदारी, डीडीयू गोरखपुर विश्वविद्यालय के साथे उनका स्थायी बंधन के एगो प्रमाण बा। स्थापना दिवस समारोह में ओह लोगन के उपस्थिति निस्संदेह एह कार्यक्रम के समृद्ध करी आ हमनी के वैश्विक पूर्व छात्र लोगन के मजबूत करी।”

1 मई के होखे वाला स्थापना दिवस समारोह एगो यादगार अवसर होखे के वादा करऽत बा, जवना में अंतर्राष्ट्रीय पूर्व छात्र लोगन के उत्साही भागीदारी विश्वविद्यालय के वैश्विक प्रभाव आ पहुंच के प्रदर्शित करी।

Share This Article
Follow:
एगो भोजपुरिया कलाकार, लेखक, कवि आ भोजपुरी खातिर समर्पित नवहा जे अपना माई भाखा खातिर हमेसा खाड़ रहेला। खेल आ राजनीति के खबर पढ़े खातिर हमरा से जुड़ीं खबर भोजपुरी पs। हमरा से रउआ सभे sonuyadav957670@gmail.com पs जुड़ल रहीं...