भारत के एयरस्पेस से गुजर रहल ईरानी विमान में बम के सूचना, दिल्ली- जयपुर में लैडिंग के परमिशन ना दिहल गइल

भारतीय एयरस्पेस से गुजर रहल एगो ईरानी विमान में बम के सूचना मिलल बा। विमान में बम के जानकारी लाहौर एयरपोर्ट प ATC देले बिया। बम के जानकारी मिलला पs विमान दिल्ली आ जयपुर में लैडिंग के परमिशन मंगलस, जवना के भारत सरकार इनकार कs देलस।

सूत्रन के मोताबिक, दिल्ली में सुरक्षा एजेंसियन के बम के बारे में इनपुट मिलल रहे, जवना के बाद विमान के दिल्ली में उतरे के अनुमति ना दिहल गइल।  ई विमान अभी चीन के ओर बढ़ रहल बा। एकर निगरानी खातिर एयरफोर्स के सुखोई फाइटर जेट लगावल गइल बा। ई फाइटर जेट्स पंजाब आ जोधपुर एयरबेस से उड़ान भरले रहे।