अगर रउरा ट्रेन से यात्रा करीलें तs ई खबर रउरा खातिर बा. भारतीय रेलवे एगो सुपर ऐप ‘SwaRail’ लॉन्च कईले बिया, जवन कि आपके हर जरूरत अवुरी समस्या के समाधान दिही। रेलवे आपन नया सुपर ऐप ‘SwaRail’ लॉन्च कइले बा जवना से यात्री सुविधा के एके प्लेटफार्म पs ले आवल जा सके. एह ऐप से यात्रियन के टिकट बुकिंग (ट्रेन टिकट बुकिंग) से लेके ट्रेन स्टेटस (ट्रेन पीएनआर स्टेटस) आ फूड ऑर्डर ले के सगरी सेवा एके जगहा दिहल जाई.
इs ऐप कईसे काम करी, एकरा के कब अवुरी कहाँ डाउनलोड कs सकतानी, अवुरी एकरा से आपके कवन फायदा होई।
SwaRail सुपर ऐप का हs?
‘SwaRail’ में भारतीय रेलवे के अलग-अलग डिजिटल सेवा के एकही प्लेटफार्म पs एकीकृत कईल गईल बा, ताकि यात्री के अलग-अलग ऐप डाउनलोड करे के जरूरत ना पड़ी, एहीसे एकरा के सुपर ऐप कहल जाता। फिलहाल एकर बीटा संस्करण परीक्षण के चरण में बा अवुरी चुनल उपयोगकर्ता खातीर उपलब्ध बा। मौजूदा यूजर रेल कनेक्ट अवुरी यूटीसनमोबाइल ऐप के लॉगिन क्रेडेंशियल के इस्तेमाल कs के लॉगिन कs सकतारे।
का आईआरसीटीसी ऐप के जरूरत खतम हो जाई?
आईआरसीटीसी के महत्व बनल रही काहे कि ई प्लेटफार्म ट्रेन टिकट बुकिंग आ पर्यटन सेवा पs केंद्रित बा. ‘SwaRail’ एक स्टॉप समाधान के काम करी, जहां टिकट बुकिंग के संगे-संगे अवुरी बहुत सुविधा भी उपलब्ध होई। इs ऐप रेलवे के डिजिटल सेवा के सरल बना के उपयोगकर्ता के बेहतर अनुभव दिही।
इहो पढ़ीं: Mathura News: प्रेमानंद महाराज के रात्रि दर्शन भइल बंद, अब नाहीं निकली पदयात्रा
SwaRail ऐप से यात्री के कवन सुविधा मिली?
रेलवे से जुड़ल लगभग सभ सेवा एs ऐप में शामिल बा, जवना में शामिल बा:
रिजर्व्ड टिकट बुकिंग (Reserved Ticket Booking)
अनरिजर्व्ड टिकट आ प्लेटफॉर्म टिकट बुकिंग (Unreserved & Platform Ticket Booking)
PNR स्टेटस आ ट्रेन स्टेटस चेक कइल (PNR & Train Status Inquiry)
पार्सल आ फ्रेट बुकिंग (Parcel & Freight Booking)
ट्रेन में फूड ऑर्डर कइल (Food Ordering in Trains)
रेलवे हेल्प आ शिकायत प्रबंधन (Rail Madad – Complaint Management System)
SwaRail ऐप के इस्तेमाल कब अवुरी कईसे कईल जा सकता?
फिलहाल ‘SwaRail’ के बीटा वर्जन फर्स्ट-कम, फर्स्ट-सर्व्ड बेसिस पs उपलब्ध बा। एकरा के डाउनलोड करे खातिर प्रयोगकर्ता लोग नीचे दिहल लिंक के इस्तेमाल कs सकेला:
*Android (Google Play Store): https://play.google.com/apps/testing/org.cris.aikyam)
*iOS (Apple TestFlight): https://testflight.apple.com/join/aWFYt6et)
इहो पढ़ीं : चाय के छन्नी में पनप रहल बा कीटाणु, शरीर के बना सकेला बेमारी के घर, एs तरह करीं छलनी के साफ
उपयोगकर्ता कइसे प्रतिक्रिया दे सकेलें?
बीटा संस्करण के इस्तेमाल करे वाला यात्री आपन अनुभव अवुरी प्रतिक्रिया swarrail.support@cris.org.in पs भेज सकतारे। रेलवे के कहनाम बा कि यूजर के प्रतिक्रिया के आधार पs एs ऐप में सुधार कईल जाई अवुरी ओकरा बाद एकरा के पूरा तरीका से सभ यात्री खातीर लागू कईल जाई।
‘SwaRail’ के उद्देश्य रेलवे यात्रियन के सगरी डिजिटल सुविधा एके प्लेटफार्म पs उपलब्ध करावल बा. एकरा से रेलवे के तेज, सरल अवुरी सुविधाजनक अनुभव होई। आवे वाला समय में एs ऐप में अवुरी फीचर जोड़ल जा सकता, जवना से रेल यात्रा अवुरी आसान हो जाई। अगर आप ट्रेन से यात्रा करतानी तs SwaRail सुपर ऐप आपके खातीर गेम चेंजर साबित हो सकता।
इहो पढ़ीं: वेज कटलेट रेसिपी: वेज कटलेट रेसिपी मिनट भर में तैयार हो जाला, तरीका जानि
