सेमीफाइनल में भारत के सोझे इंग्लैंड के चुनौती, जानीं कब अउर कहां देख पाएब मैच

आईसीसी टी20 वर्ल्ड कप के दूसरे सेमीफाइनल में भारत के मुकाबला इंग्लैंड से अतवार (10 नवंबर) के होई। एह मैच के जीते वाली टीम 13 नवंबर के मेलबर्न में होखे वाले फाइनल में पाकिस्तान के खिलाफ खेली। पाकिस्तान पहिले सेमीफाइनल में न्यूजीलैंड के हरवले बा। सुपर-12 में भारतीय टीम ग्रुप-2 में शीर्ष पर रहल। उहवें, इंग्लैंड ग्रुप-1 में दूसरे पायदान पर रहल। दूनों टीम 10 साल बाद टी20 वर्ल्ड कप में आमने-सामने होई।

2007 टी20 वर्ल्ड कप में भारत इंग्लैंड के 18 रन से हरवले रहे। उहवें, 2009 में इंग्लैंड के टीम तीन रन से जीतल रहे। एकरे बाद 2012 में भारत ने 90 रन से मुकाबला अपने नाम कइले रहे। एह तरे टूर्नामेंट के इतिहास में इंग्लैंड के खिलाफ भारत 2-1 से आगे बा। ऊ एडिलेड में होखे वाले मुकाबला में इंग्लिश टीम के हरा के आपन बढ़त के बढ़ावल चाही।

एह टी20 वर्ल्ड कप में दूनों टीम के सफर के बात कइल जाव त भारत  अपने शुरुआती दू मैचन में पाकिस्तान अउर नीदरलैंड के खिलाफ जीतले रहे। ओके दक्षिण अफ्रीका के खिलाफ तीसरे मैच में हार मिलल रहे। टीम इंडिया एकरे बाद फिर वापसी कइलें अउर बांग्लादेश के साथ-साथ जिम्बाब्वे के हरवलें। उहवें, इंग्लैंड अफगानिस्तान के पहिले मैच में हरवले रहनें। उनके फिर आयरलैंड के खिलाफ हार मिलल। ऑस्ट्रेलिया से तीसरा मैच रद्द हो गइल रहे। फिर उ न्यूजीलैंड अउर श्रीलंका के हरा के सेमीफाइनल में जगह बनवलस।