पहलगाम आतंकी हमला के बाद भारत पाकिस्तान के खिलाफ एक के बाद एक कड़ा कदम उठा रहल बा। अब भारत पाकिस्तान से आयात पूरा तरीका से बंद करे के फैसला कईले बा। भारत के इs फैसला आर्थिक मोर्चा पs पाकिस्तान के बड़ झटका दिही। आर्थिक विशेषज्ञ के कहनाम बा कि भारत के एs फैसला से पाकिस्तान के भारी नुकसान होई। आयात पs रोक लगावे से पाकिस्तानी व्यापारियन के भारी आर्थिक नुकसान होखी. एह फैसला से पाकिस्तान के अर्थव्यवस्था के हालत अउरी खराब हो जाई जवन पहिलहीं से कर्ज, महंगाई आ बेरोजगारी से जूझत बिया. पाकिस्तान में बेरोजगारी बढ़ जाई आ लोग हर अनाज पs निर्भर हो जाई.
सरकार के ओर से दिहल गईल जानकारी
वाणिज्य उद्योग मंत्रालय शनिचर के दिने अधिसूचित कइलस कि भारत तत्काल प्रभाव से पाकिस्तान से सगरी सामानन के प्रत्यक्ष भा अप्रत्यक्ष आयात पs रोक लगा दिहले बा. अधिसूचना में कहल गइल बा कि विदेश व्यापार नीति (एफटीपी) 2023 में एगो नया प्रावधान जोड़ल गइल बा जवना के तुरते लागू कइल जाई. वाणिज्य मंत्रालय साफ कईलस कि आयात खातीर केंद्र सरकार के मंजूरी के जरूरत होई।
अधिसूचना में का कहल गइल रहे?
अधिसूचना में कहल गइल बा कि पाकिस्तान से निकले वाला भा पाकिस्तान से निर्यात होखे वाला सगरी सामानन के प्रत्यक्ष भा अप्रत्यक्ष आयात, चाहे ऊ स्वतंत्र रूप से आयात करे लायक होखे भा दोसरा तरह से अनुमति होखे, ओकरा पs आगे के आदेश तबले तुरते प्रभाव से रोक लगा दिहल जाई. ई प्रतिबंध राष्ट्रीय सुरक्षा आ लोक नीति के हित में लगावल गइल बा. एह प्रतिबंध के कवनो अपवाद होखे तs भारत सरकार के पहिले से मंजूरी लेबे के पड़ी.
भारत आ पाकिस्तान के बीच आयात निर्यात का बा?
भारत से पाकिस्तान में निर्यात होखे वाला सामान के सूची में मुख्य रूप से कपास, रसायन, खाद्य उत्पाद, दवाई अवुरी मसाला शामिल बा। एकरा अलावे चाय, कॉफी, रंग, प्याज, टमाटर, लोहा, स्टील, चीनी, नमक अवुरी ऑटो पार्ट्स जईसन चीज़ भी भारत से पाकिस्तान तक तीसरा देश के रास्ता से जात रहल बा। अगर पाकिस्तान से आवे वाला सामान के देखल जाव तs 2019 ले सीमेंट, जिप्सम, फल, तांबा, अवुरी नमक जईसन उत्पाद आवत रहे। बाकिर, ओकरा बाद रॉक सॉल्ट अवुरी मुलतानी मिट्टी समेत कुछ ही आइटम उपलब्ध बा। अब ओहो पs पूरा तरह से रोक लगा दिहल गइल बा.
इहो पढ़ीं: गोरखपुर : दु बहिनन के गोली मारे के सिरफिरा खुद के उड़वलस, अस्पताल में तीनों भर्ती
