देश के कई राज्यन में आजुओ बरखा के लेके अलर्ट जारी कइल गइल बा। एह साल समय से पहिले केरल में मानसून आ गइल बा. एकरा अलावा एकर असर महाराष्ट्र के कई जिला में भी देखल जा रहल बा। महाराष्ट्र आ केरल में बरखा के चलते लोग के बहुते समस्या के सामना करे के पड़त बा. इहाँ के कई जिला में अलर्ट जारी कs दिहल गईल बा। दिल्ली-एनसीआर में भी बारिश के बाद मौसम ठंडा हो गईल बा। इहाँ तापमान में भारी गिरावट दर्ज भईल बा। बता दी की देश के अन्य राज्यन में मौसम के हालत कइसन बा।
दिल्ली-एनसीआर में तापमान में गिरावट
राजधानी दिल्ली समेत एनसीआर इलाका में बरखा के चलते लोग के गर्मी से राहत मिलल बा। इहाँ के अधिकतम तापमान 41-43 डिग्री सेल्सियस आ न्यूनतम तापमान 28-30 डिग्री सेल्सियस होखे के अनुमान बा। एकरा अलावे दिन भर बादल छाइल रहे के उम्मेद बा। मौसम विभाग भी आजु हवा के गति 30-40 किलोमीटर प्रति घंटा के अनुमान लगवले बा, आ कुछ जगह पs गरज भी हो सकेला। मौसम विभाग दिल्ली-एनसीआर में हल्का बरखा, गरज आ बिजली गिरे के अनेसा जतवले बा.
महाराष्ट्र में बरखा से तबाही
महाराष्ट्र के तटीय कोंकण क्षेत्र अवुरी मुंबई में पछिला दु दिन से मानसून से पहिले भारी बरखा होखता। आजु मुंबई आ आसपास के इलाका में हल्का से मध्यम बरखा के संभावना बा. मौसम विभाग ऑरेंज अलर्ट जारी कईले बा। एह दौरान हवा भी 50–60 किमी/घंटा के रफ्तार से चली। कुछ जगहा मध्यम गरज के साथे भारी बरखा के चेतावनी भी जारी कईल गईल बा । आज खातिर आईएमडी रायगड, रत्नागिरी अवुरी सिंधुदुर्ग जिला खाती ऑरेंज अलर्ट जारी कईले बिया। महाराष्ट्र के मुंबई, ठाणे, पालघर वगैरह जिलन खातिर पीला अलर्ट जारी कइल गइल बा. प्रशासन नागरिकन से सतर्क रहे के गोहार लगवले बा।
कई इलाकन में बाढ़ जइसन स्थिति
अतवार के दिने पुणे के बारामती आ इंदापुर तहसील में भारी बरखा भइल जवना चलते बहुते इलाका में बाढ़ जइसन हालात बनल बा. एकरा बाद जिला मजिस्ट्रेट के तत्काल निहोरा पs राष्ट्रीय आपदा प्रतिक्रिया बल (एनडीआरएफ) के एगो विशेष टीम के तैनाती करे के पड़ल। अधिकारी बतवले कि बारामती तहसील में दिन में 83.6 मिमी बरखा भईल, जबकि इंदापुर में 35.7 मिमी बरखा भईल। अतवार के दिने दक्षिण पश्चिमी मानसून महाराष्ट्र में आ गइल बा. एकरा संगे 35 साल में पहिला बेर राज्य में मानसून एतना जल्दी पहुंच गईल बा। मौसम विभाग इ जानकारी देले बा। भारत के मौसम विभाग (आईएमडी) के कहना बा कि अगिला तीन दिन में दक्षिण पश्चिम मानसून मुंबई आ कुछ अउरी इलाका में चहुँपे के उमेद बा.
रेल यातायात पs असर पड़ेला
मुंबई में रुक-रुक के होखत बरखा से रेल यातायात के भी असर पड़ल बा। सेंट्रल रेलवे मेन लाइन पर कल्याण के ओर धीमा लोकल ट्रेन 5 मिनट लेट चल रहल बा। छत्रपति शिवाजी महाराज टर्मिनस के ओर आए वाला तेज लोकल ट्रेन 10 मिनट लेट चल रहल बा। धीमा लोकल ट्रेन भी 5 मिनट लेट चल रहल बा। एकरा साथे ही वेस्टर्न लाइन पs स्थानीय ट्रेन 5 मिनट लेट चल रहल बा।
उत्तर प्रदेश में गरजने के साथ बारिश के संभावना
अगर उत्तर प्रदेश के बात करीं तs इहाँ लोग के अबो गर्मी के सामना करे के पड़ता। हालांकि आज पश्चिम यूपी के कई जिला में गरज के संगे हल्का बरखा के संभावना बा। एह दौरान 40-50 किलोमीटर प्रति घंटा के रफ्तार से हवा चले के संभावना बा। एकरा संगे पूर्वी यूपी के बांडा, चित्रकूट, प्रयागराज, वाराणसी, गोरखपुर, अवुरी लखनऊ में गरज के संगे हल्का से मध्यम बरखा हो सकता। मौसम विभाग 26 मई तक पीला अलर्ट जारी कईले बा, जवना में गरज अवुरी तेज हवा के चेतावनी भी शामिल बा। बारिश के सिलसिला 31 मई ले जारी रही।
केरल में भी तेज हवा के साथ बारिश
बता दीं कि केरल में शनिचर का दिने मानसून खटखटवले रहुवे. साल 2009 के बाद पहिला बेर मानसून केरल में एतना जल्दी पहुंचल बा। साल 2009 में 23 मई के केरल में मानसून पहुँचल। केरल में मानसून पूरा तरह से सक्रिय हो गइल बा. अइसना में आजु भारी से बहुते भारी बरखा के अंदाजा लगावल गइल बा. एकरा अलावे 40-50 किलोमीटर प्रति घंटा के रफ्तार से तेज हवा चले के संभावना बा अवुरी तटीय इलाका में गरज अवुरी बिजली के संगे बरखा के संभावना बा। आमतौर पर दक्खिन-पच्छिम के मानसून 1 जून ले केरल पहुँचे ला आ 8 जुलाई ले पूरा देस में पहुँच जाला।मानसून 17 सितंबर के आसपास उत्तर-पच्छिम भारत से पीछे हटे लागे ला आ 15 अक्टूबर ले पूरा तरीका से पीछे हट जाला।आमतौर पs ई 7 जून के आसपास महाराष्ट्र आ 11 जून के मुंबई पहुँच जाला।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
