भारत के मेघालय में भूकंप के झटका महसूस कइल गइल बा. ई भूकंप पश्चिमी खासी पहाड़ी में आइल, जवना के गहराई 10 किलोमीटर बा। एह भूकंप के तीव्रता रिक्टर पैमाना पs 2.8 नापल गइल।
भूकंप काहे आवेला?
पृथ्वी के सतह के नीचे टेक्टोनिक प्लेट सभ के गति भा टक्कर के कारण भूकंप आवे ला। पृथ्वी के सभसे बाहरी परत (पपड़ी) कई गो बिसाल टेक्टोनिक प्लेट सभ में बाँटल जाले जे लगातार धीमा गति में होलीं। जब ई प्लेट सभ टकरा जालीं, फिसल जालीं भा अलगा हो जालीं तब पैदा होखे वाली ऊर्जा भूकंपीय तरंग के रूप में छोड़े ले जेवना से पृथ्वी हिल जाले आ भूकंप पैदा करे ले।
इनहन के होखे के कई गो मुख्य कारण बाड़ें जिनहन में टेक्टोनिक प्लेट सभ के गति, ज्वालामुखी गतिविधि, मानव गतिविधि आ भूस्खलन भा अउरी प्राकृतिक घटना सभ के सामिल कइल जाला। भूकंप के तीव्रता रिक्टर पैमाना भा अउरी पैमाना पs नापल जाला आ आमतौर पs ई फाल्ट लाइन भा प्लेट के सीमा के लगे ढेर होला। भारत नियर देस सभ में हिमालय क्षेत्र में टेक्टोनिक गतिविधि सभ के कारण भूकंप के खतरा ढेर बाटे।
भारत भारतीय विवर्तनिक प्लेट पs पड़े ला जे यूरेशियन प्लेट से टकरा रहल बा। ई टक्कर खासतौर पs हिमालयी इलाका में सक्रिय बाटे जेवना से ई इलाका भूकंप के बहुत खतरा में बा। हिमालय के भूबिज्ञानिक संरचना में लगातार दबाव आ तनाव के कारण भूकंपीय गतिविधि सभ के जनम होला।
भारत के भूकंपीय खतरा (जोन II से V) के आधार पs 12चार गो जोन में बाँटल गइल बा। जोन V (उच्च जोखिम) में हिमालय क्षेत्र, उत्तर-पूरबी राज्य, आ अंडमान-निकोबार सामिल बा जबकि जोन II (कम जोखिम) में दक्खिन भारत के कुछ हिस्सा सामिल बा।
इहो पढ़ीं : अतवारी छौंक: ‘बात कुछ पुरनका दौर के’ प्यार तs भइल बाकिर ताउम्र रहली अकेले…एह सुपरस्टार हीरोइन के जानीं कहानी
