जदी रउरा चाहत बानी कि पंखा गर्मी में तूफान नियन हवा बहावे त एकरा खातीर तनी काम करे के पड़ी। जानी कि छत के पंखा के देखभाल कइसे कइल जाला ताकि उ तेज गति से चले।
गर्मी के समय केतनो हवा मिले कम ही लागेला। जब हवा रुक जाला त रउरा खूब पसीना आवे लागेला। अब सब केहू एसी ना खरीद सकता, आ बहुत लोग अइसन बाड़े जेकरा लगे कूलर खरीदे तक के पइसा नइखे। कई बेर हमनी के देखेनी स कि हमनी के पंखा के स्पीड बहुत धीमा हो जाला। जदी पंखा धीरे-धीरे चले लागेला त कमरा में हवा ठीक से ना घूमेला, आ गर्मी के चलते हालत खराब हो जाला। बहुत लोग के लागेला कि उनकर पंखा खराब हो गइल बा आ अब उनका छत के पंखा प उरेब खर्चा करे के पड़ता।
बाकी अइसन नइखे काहेंकी संभव बा कि पंखा में कुछ छोट-मोट चीज़ के चलते एकर गति कम हो गइल होखे। त आज आईं कुछ बात बतावल जाव जवन राउर पंखा के गति बढ़ावे में मदद करी।
Capacitor में गड़बड़ी:- कैपेसिटर छत के पंखा में मोटर के उचित पावर देवे के काम करेला। खराब कैपेसिटर से सीलिंग के 90% से जादा समस्या होखेला। जब कैपेसिटर खराब हो जाला त ऊ मोटर में बिजली के ट्रांसफर ना कर पावेला, जवना के चलते एकर गति बहुत धीमा होखे लागेला।
त जदी रउरा पंखा से तेज हवा चाहीं त रउरा कैपेसिटर बदल सकेनी । बाजार में एगो बढ़िया कैपेसिटर 70-80 रुपया के दाम में उपलब्ध बा। जदी रउरा एकरा के बदल देनी त पंखा के गति दुगुना हो सकता।
ब्लेड : – कई बेर हमनी के ध्यान ना देवेनी जा बाकी पंखा के गति में समस्या ओकर ब्लेड के गलत संरेखण के चलते शुरू हो जाला। जदी पंखा के ब्लेड मोड़ भा टेढ़ बा त पंखा हवा ना उड़ाई।
बेयरिंग: छत के पंखा में आमतौर प समय के संगे बॉल बेयरिंग के भीतर गंदगी, धूल के संगे-संगे मलबा जमा हो जाला। एकरा चलते छत के पंखा के गति अक्सर धीमा हो जाला आ बेयरिंग के हिलावे में मुश्किल हो जाला।
एक्स्ट्रा टिप– जदी पंखा धीमा होखे लागल बा भा जाम हो गइल बा, त समय-समय पर एकरा के तेल लगा सकेनी।
Comments are closed.