इंटरनेशनल क्रिकेट काउंसिल (ICC) 2023 के वनडे टीम ऑफ द ईयर घोषित कs देले बिया। भारत के वनडे वर्ल्ड कप फाइनल में पहुंचावे वाला कप्तान रोहित शर्मा के टीम के कप्तान बनावल गइल बा भारत के कुल 6 प्लेयर्स के जगह मिलल बा, ओहिजा वर्ल्ड कप विजेता ऑस्ट्रेलिया से ट्रैविस हेड आ एडम जम्पा के सामिल कइल गइल बा।
टीम इंडिया के ओर से विराट कोहली, शुभमन गिल, मोहम्मद शमी, मोहम्मद सिराज आ कुलदीप यादव टीम ऑफ द ईयर में जगह बनवले बा लो।
साउथ अफ्रीका से दुगो, न्यूजीलैंड से एगो खिलाड़ी
2023 के टीम ऑफ द ईयर में चार देसन के 11 प्लेयर्स चुनल गइल लो। एमे भारत के छव, ऑस्ट्रेलिया आ साउथ अफ्रीका के दु-दु आ न्यूजीलैंड के एगो खिलाड़ी सामिल बा। साउथ अफ्रीका से विकेटकीपर हेनरिक क्लासन आ ऑलराउंडर मार्को यानसन के जगह दिहल गइल। ओहिजा न्यूजीलैंड से डेरिल मिचेल जगह बनावे में कामयाब रहल बा।
