बिहार के बक्सर जिला में गदहा के मउत के लेके एतना हंगामा भईल कि पुलिस के 65 लोग के खिलाफ प्राथमिकी दर्ज करावे के पड़ल। खबर के मुताबिक जिला के केसठ प्रखंड के 65 गांव के लोग के खिलाफ कथित तौर पs करंट लगला के चलते गदहा के मौत पs हंगामा मचावे अवुरी इलाका में बिजली के आपूर्ति में बाधा पहुंचावे के आरोप में प्राथमिकी दर्ज करावल गईल बा। एकरा बारे में जानकारी देत पुलिस कहलस कि गांव के लोग हंगामा मचवले अवुरी करीब 3 घंटा ले इलाका में बिजली के आपूर्ति बाधित कs देले।
11 सितंबर के बिजली आपूर्ति बंद हो गईल रहे
शुक के एs मामला के जानकारी देत बक्सर के पुलिस अधीक्षक शुभम आर्य कहले कि, ‘घटना के तुरंत बाद इलाका के चकौदा पावर ग्रिड स्टेशन के बहरी भारी संख्या में ग्रामीण जुट गईले अवुरी मुआवजा के मांग करे लगले। गांव के कुछ लोग बिजली ग्रिड कार्यालय में घुस के इलाका में बिजली के आपूर्ति काट दिहले उs बतवले कि इs घटना 11 सितंबर के भईल रहे। बाद में राज्य के बिजली विभाग के एगो वरिष्ठ अधिकारी बिजली आपूर्ति में बाधा पहुंचावे अवुरी सरकारी कर्मचारी के काम में बाधा पैदा करे के शिकायत गांव के लोग के खिलाफ दर्ज करवले।
गांव के लोग भी 13 सितंबर के शिकायत कईले रहले
एसपी बतवले कि राज्य विद्युत विभाग के संबंधित एसडीओ के शिकायत के आधार पs पुलिस 65 गांव के लोग के खिलाफ इलाका में 3 घंटा ले बिजली आपूर्ति बाधित करे के आरोप में प्राथमिकी दर्ज करवले बिया। एगो स्थानीय पुलिस अधिकारी नाम ना बतावे के शर्त पs विभाग के वरिष्ठ अधिकारी के हस्तक्षेप के बाद 3 घंटा ले बाधित बिजली आपूर्ति बहाल हो सकता बतवले। बतावल जाता कि गांव के लोग भी 13 सितंबर के एs मुद्दा पs बिजली विभाग के अधिकारी के खिलाफ शिकायत दर्ज करवले रहले। मामला के पुलिस अवुरी जाँच करतिया।
Comments are closed.