देश के राजधानी दिल्ली के प्रशांत विहार इलाका में विस्फोट भइल. ई विस्फोट अतना जोर से भइल कि स्थानीय लोग के दूर से एह विस्फोट के आवाज सुनाई पड़ल. रात के 11.48 बजे बंसी स्वीट के लगे भईल विस्फोट के जानकारी पुलिस के मिलल रहे। भारी पुलिस बल मौका पs पहुंच गईल बा।
दिल्ली पुलिस के सूत्र के मुताबिक इs ओसही धमाका हs, जवन कि सीआरपीएफ स्कूल के दीवार पs भईल रहे। बाकिर ई कम तीव्रता वाला धमाका रहे. एक जने के मामूली घाही हो गइल बा.
पुलिस के मौका से कुछ सफेद पाउडर जईसन पदार्थ मिलल
संदिग्ध विस्फोट के मामला में पुलिस के मौका से कुछ सफेद पाउडर निहन पदार्थ मिलल बा, हालांकि अबो ले इs का बा, एकर जांच होखता। दमकल विभाग के 4 गाड़ी मौका पs पहुंच गईल बा। दिल्ली पुलिस के अधिकारी मौका पs पहुंच गईल बाड़े। विस्फोट के लेके अभी ले कुछूओ साफ नईखे भईल।
इहो पढ़ी:प्रियंका गांधी लोकसभा के सदस्यता के लिहली शपथ, संसद में हो गइल गांधी-नेहरू परिवार के तीन गो सदस्य
