एशिया कप टी-20 टूर्नामेंट में मंगर के भारत के श्रीलंका के खिलाफ छह विकेट से हार के सामना करे के पड़ल। सुपर फोर राउंड में मिलल ए हार से भारत एशिया कप से बाहर होखला के कगार पर बा। श्रीलंका से पहिले भारतीय टीम के सुपर-4 राउंड में ही पाकिस्तान के खिलाफ भी हार के सामना करे के पड़ल रहे।
हालांकि, टीम इंडिया अब्बो फाइनल में आपन जगह बना सकतिया। एकरे खातिर ओके अफगानिस्तान के खिलाफ जीत के साथ-साथ दूसरे टीम के नतीजा पर भी निर्भर रहे के पड़ी। 10 महीना पहिले टी-20 वर्ल्ड कप में भी भारतीय टीम के सोझे कुछ एही तरे के समीकरण बनल रहे। लेकिन तब कुछउ उनका पक्ष में नाइ गइल रहे अउरी टीम इंडिया टी-20 वर्ल्ड कप के सुपर-12 राउंड से बाहर हो गइल रहे