कंबोडिया के पोइपेट में एक होटल में आग लगले से कम से कम 10 लोग के मौत के खबर सोझे आइल बा। उहवें, 30 से अधिक लोग के घायल अवस्था में निकालल गइल बा। बतावल गइल बा कि होटल में आग एतना भीषण बा कि अभीनो 50 से ज्यादा लोग फंसल बानें अउर उनके रेस्क्यू करे के कोशिश जारी बा।
ई घटना पोइपेट के ग्रैंड डायमंड सिटी होटल के ह। इहां पिछले कई घंटा से पूरा होटल आग से लिपटल बा।। कई लोग के जान बचावे खातिर खिड़कियन से भी कूदतो देखल गइल। एहसे जुड़ल कुछ तस्वीर अउर वीडियो सोशल मीडिया पर वायरल हो रहल बा।
