पाकिस्तान के अशांत बलूचिस्तान प्रांत में एगो बाजार के लगे बम विस्फोट में चार लोग के मउत हो गइल आ 20 लोग घवाहिल हो गइल. सोमार के दिने मीडिया में छपल खबर से एह बारे में जानकारी मिलल. बलूचिस्तान के किला अब्दुल्ला जिला के जब्बार मार्केट के लगे अतवार के दिने भइल एह विस्फोट में कई गो भवनन के भारी नुकसान भइल आ दहशत फइलल. एक्सप्रेस ट्रिब्यून अखबार के खबर के मुताबिक, विस्फोट के बाद कई गो दोकान गिर गईल अवुरी कई गो प्रतिष्ठान में आग लाग गईल।
इलाका के सील कs दिहल गइल
किला अब्दुल्ला के उपायुक्त रियाज खान बतवले कि विस्फोट में चार लोग के मउत हो गईल अवुरी 20 लोग घाही हो गईले। उs बतवले कि इs बाजार फ्रंटियर कोर (एफसी) किला के पीछे के दीवार के नजदीक बा। विस्फोट के बाद अज्ञात हमलावर अवुरी एफसी के जवान के बीच गोलीबारी भईल। विस्फोट के बाद अधिकारी इलाका के सील कs देले बाड़े, तलाशी अभियान शुरू कs देले बाड़े अवुरी इलाका के खाली करावे के काम होखता। घाही में आदिवासी बुजुर्ग हाजी फैजुल्लाह खान गबीजई के सुरक्षा रक्षक समेत कई लोग शामिल बाड़े।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
