खाना पकावे खातीर सबसे अच्छा मानल जाला ईs तेल, शरीर में नाहीं जमे देला बैड कोलेस्ट्रॉल
भोजन में मौजूद तेल खातिर इs जरूरी बा कि उs खाली स्वाद खातीर ना बालुक स्वास्थ्य खातीर भी निमन होखे। भारतीय खाना में तेल के बहुत इस्तेमाल होखेला, जवना के सीधा असर आपके स्वास्थ्य पs पड़ेला। बिना तेल के पकावल खाना के स्वाद बढ़िया ना होखेला, लेकिन फालतू तेल डालल भी स्वास्थ्य खातीर नुकसानदेह होखेला। अइसना में ईs जरूरी बा कि खाना बनावे खातिर जवन तेल के इस्तेमाल करीं ओकर क्वालिटी बढ़िया होखे के चाहीं। तेल में पावल जाए वाला तत्व स्वास्थ्य के कम से कम नुकसान पहुंचावेला। खास तौर पs अयीसन तेल के इस्तेमाल करे के चाही जवना से कोलेस्ट्रॉल ना बढ़े। शरीर में खराब कोलेस्ट्रॉल बढ़ला के चलते नस रुके लागेला जवना से दिल के दौरा पड़े के खतरा बढ़ जाला। जान लीं कि कवन खाना बनावे खातीर तेल बढ़िया मानल जाला।
सरसों के तेल- सरसों के तेल के प्रयोग अधिकतर घर में होला। मोनोअनसैचुरेटेड अवुरी पॉलीअनसेचुरेटेड फैट सरसों के तेल में पावल जाला, जवन कि दिल के निमन स्वास्थ्य के बनावे राखेला।इs दुनो स्वस्थ वसा हs जवन शरीर में खराब कोलेस्ट्रॉल के स्तर के कम करेला। सरसों के तेल दिल खातिर बहुत फायदेमंद साबित होखेला।
जैतून के तेल- जैतून के तेल स्वास्थ्य खातिर सबसे बढ़िया मानल जाला। एकरा में स्वस्थ वसा पावल जाला जवन समग्र स्वास्थ्य में सुधार करेला। जैतून के तेल खाना बनावे में बढ़िया होला। इ खराब कोलेस्ट्रॉल के कम करेला अवुरी इs तेल दिल खातीर भी निमन होखेला।
नारियल तेल- दक्षिण के अधिकतर लोग खाना बनावे खातिर नारियल तेल के इस्तेमाल करेला। नारियल तेल में पकावल खाना बाल अवुरी त्वचा खाती भी निमन होखेला। नारियल तेल में तैयार भोजन पाचन तंत्र में सुधार करेला। हालांकि कुछ लोग के नारियल तेल के स्वाद पसंद ना आवेला।
मूंगफली के तेल- मूंगफली के तेल जाड़ा में खाना बनावे खातिर भी बढ़िया होला। मूंगफली के तेल ठोस ना होखेला अवुरी एकरा में एंटीसेप्टिक, एस्ट्रिंजेंट, एंटीस्पास्मोडिक गुड़ होखेला, जवन कि शरीर खातीर फायदेमंद होखेला। मूंगफली के तेल शरीर के गरम राखेला। इs तेल दिल खातिर बढ़िया मानल जाला।
तिल के तेल- जाड़ा में तिल के तेल खाइल भी फायदेमंद होला। खाना बनावे खातिर रउआ सफेद भा करिया तिल के तेल के इस्तेमाल कs सकेनी। तिल के तेल में असंतृप्त वसा, मोनोअनसैचुरेटेड अवुरी पॉलीअनसैचुरेटेड फैट होखेला, जवन कि स्वास्थ्य खाती फायदेमंद होखेला। तिल के तेल खईला से दिल स्वस्थ रहेला अवुरी शरीर में गर्मी मिलेला।
Comments are closed.