भारती एयरटेल एक्सस्ट्रीम ऐप प उपलब्ध प्रमुख ओवर-द-टॉप (ओटीटी) पार्टनर के कंटेंट पोर्टफोलियो तक पहुंच देवे खाती 20 स्क्रीन प्लेटफॉर्म के संगे एक्सस्ट्रीम मल्टीप्लेक्स लॉन्च कईलस। यूजर पार्टीनाइट मेटावर्स नाम के मेटावर्स प्लेटफॉर्म प मल्टीप्लेक्स सेवा के एक्सेस क सकतारे।
बीएसई के दिहल फाइलिंग के मुताबिक मंगलवार के प्रमुख दूरसंचार सेवा कंपनी भारती एयरटेल पार्टीनाइट मेटावर्स प्लेटफॉर्म प भारत के पहिला मल्टीप्लेक्स लॉन्च कईलस। एक्सस्ट्रीम मल्टीप्लेक्स एयरटेल के एक्सस्ट्रीम प्रीमियम ऑफर के एगो एक्सटेंशन ह जवन हाल ही में लॉन्च के 100 दिन के भीतर 20 लाख ग्राहक के जोड़ले बा।
कंपनी के मुताबिक, एयरटेल के एक्सस्ट्रीम मल्टीप्लेक्स 20 स्क्रीन वाला प्लेटफॉर्म होई, जवना में ए एप्लीकेशन प उपलब्ध प्रमुख ओटीटी पार्टनर के कंटेंट पोर्टफोलियो तक पहुंच होई। मल्टीप्लेक्स में मूल शो आ फिलिमन के नमूना देखावल जाई जइसे कि ओटीटी मूल के पहिला एपिसोड भा कवनो फिलिम के शुरुआती मिनट अंग्रेजी आ हिंदी का अलावे क्षेत्रीय भाषा में रही।
पार्टीनाइट (गैमिट्रोनिक्स) के संस्थापक रजत ओझा कहले कि, हमनी के एयरटेल के संगे साझेदारी करत भारत के पहिला मल्टीप्लेक्स मेटावर्स में लॉन्च करत बहुत खुशी होखता। एयरटेल एक्सस्ट्रीम प्रीमियम के मल्टीप्लेक्स अनुभव मेटावर्स खातिर सबसे स्केल करे लायक उपयोगिता परिदृश्य में से एगो बा। इहाँ भविष्य के फिलिम, संगीत, लाइव इवेंट, आ प्रीमियम स्पोर्ट्स स्ट्रीमिंग शामिल बा। एह मजबूत दायरा के अलावा ई सामाजिक जुड़ाव के अनुमति दी, सामग्री वितरण के नया रास्ता खोली आ अपना मूल में एगो विसर्जन अनुभव देई.
