Gorakhpur News: गोरखपुर से हवाला के रकम पहुंचावल जात रहे नेपाल, पकड़ल गइले दुगो बदमाश

महाराजगंज में भइल मुठभेड़ के दउरान पकड़ाइल गोरखपुर के दू गो शातिर अपराधी प्रवीण आ रामप्रवेश राजभर गोरखपुर से डकैती आ चोरी जइसन घटना के चलते जेल गइल बाड़े। असल में दुनु जने खाली हवाला धंधेबाजन के निशाना बनावेला, जेहसे कि केहू शिकायत करे खातिर आगे ना आवे आ फेर ऊ लोग आसानी से भाग जाला।

By Minee Upadhyay On Oct 21, 2023

महाराजगंज में भइल मुठभेड़ के दउरान पकड़ाइल गोरखपुर के दू गो शातिर अपराधी प्रवीण आ रामप्रवेश राजभर गोरखपुर से डकैती आ चोरी जइसन घटना के चलते जेल गइल बाड़े। असल में दुनु जने खाली हवाला धंधेबाजन के निशाना बनावेला, जेहसे कि केहू शिकायत करे खातिर आगे ना आवे आ फेर ऊ लोग आसानी से भाग जाला। बतावल जाता कि हवाला के पईसा सिर्फ गोरखपुर के रास्ता से नेपाल पहुंचावल जाला। बदला में कॅरिअर के मात्र पांच हजार रुपिया मिलेला।

बतावल जाता कि एकरा से पहिले प्रवीण भी चिलुआताल में 7 लाख रुपिया के लूटपाट के मामिला में जेल गईल रहले। ओह घरी भी हवाला के पईसा के बात सोझा आईल रहे, लेकिन जवना व्यापारी के संगे इ घटना भईल रहे, उ सात लाख के हिसाब देले रहे। जब एक बेर फेरु हवाला के मुद्दा सोझा आईल तs आईजी जे रविंद्र पूरा प्रकरण के जांच के आदेश देले बाड़े।

जानकारी के मुताबिक इ मामिला कवनो नाया नईखे। 2021 में गोरखपुर में भी एही तरह के पईसा के पुलिस लूटपाट कईले रहे। ओकरा बाद कालोनी में तैनात दू गो सब इंस्पेक्टर समेत चार लोग के जेल भेज दिहल गइल। बतावल जाता कि 31 दिसंबर 2021 के शाहपुर के खजांची चौक के नजदीक महाराजगंज के व्यापारी सुशील वर्मा के कस्टम अधिकारी के रूप में पेश कs के लूटपाट कईल गईल रहे। सुशील के घंटाघर में सोना चांदी के दोकान बा।

सुशील के शिकायत पs मामिला दर्ज भईल। ए घटना में इंस्पेक्टर धर्मेन्द्र यादव समेत तीन लोग भी शामिल रहले। आरोपी निरीक्षक कबूल कईले कि शैलेश यादव अवुरी दुर्गेश अग्रहरी सूचना देत रहले अवुरी ओकरा बाद उ अपराध के अंजाम देत रहले। एही तरे महाराजगंज से व्यापारी के आवे के जानकारी मिलल।

खुलासा भईल कि व्यापारी के लगे कवनो कागजात नईखे। चाँदी तस्कर के ह। एकरा बाद ही उनुका के कस्टम अधिकारी के रूप में देखा के रोकल गईल अवुरी फेर चेकिंग के नाम पs उ चांदी लूट के भाग गईल। लेकिन, ए मामिला में आरोपी के गिरफ्तार कईला के बाद पुलिस तहरीर लेले रहे।

गोरखपुर रेंज के आईजी जे रविंद्र बतवले कि पीड़िता दु लाख रुपिया के लूट के बारे में पुलिस के सूचना देले रहे। लेकिन, आरोपी के गिरफ्तारी के बाद 56 लाख रुपिया नकद, 275 ग्राम सोना, 1150 ग्राम चांदी बरामद भईल बा। पीड़िता एकर हिसाब-किताब नईखे दे पावत। एकरा चलते शक बा कि इ हवाला के पईसा ह। महाराजगंज एसपी के पूरा प्रकरण के जाँच करे खातिर टीम बनावे के आदेश दिहल गइल । गोरखपुर पुलिस भी मदद करी आ पूरा नेटवर्क के पर्दाफाश हो जाई।

साभार- अमर उजाला