हरियाणा: पूर्व डिप्टी CM दुष्यंत चौटाला के काफिला पs हमला, अज्ञात लोग गाड़ी के शीशा तोड़ले

Minee Upadhyay
दुष्यंत चौटाला के काफिला पs हमला: फोटो

 

 

हरियाणा के जिंद जिला के उचाना कलां विधानसभा में काल्हु रात एगो बड़हन घटना भइल. देर रात उचाना कलां में पूर्व डिप्टी सीएम दुष्यंत चौटाला के काफिला प हमला हो गईल। काफिला के गाड़ी के अनजान लोग निशाना बनवले बाड़े।

मिलल जानकारी के मुताबिक जब दुष्यंत चौटाला जनसभा के संबोधित करत रहले तs युवक हंगामा मचवले। बाद में अनजान लोग दुष्यंत के काफिला के गाड़ी पs हमला कs देले। मौका पs पहुंच के भारी संख्या में पुलिस घटना के जायजा लेलस। अनजान लोग गाड़ी पs ईंट-पत्थर से हमला कs के शीशा तोड़ देले।

दुष्यंत के साथे मौजूद रहले चंद्रशेखर रावण 

बता दीं कि रोड शो के माध्यम से जेजेपी आ एएसपी प्रचार करत रहे। एह रोड शो में दुष्यंत के साथे चंद्रशेखर रावण भी मौजूद रहले. अचानक भईल एs हमला से हरियाणा के राजनीति में हलचल मच गईल बा। पुलिस भी मौका पs पहुंच गईल बिया अवुरी जांच जारी बा। चुकी मामला हाई प्रोफाइल बा एहसे पुलिस प्रशासन भी बहुत सावधानी बरताता।

हरियाणा में कब चुनाव हो रहल बा?

राज्य में 5 अक्टूबर के एकही चरण में चुनाव होखे वाला बा। वोट के गिनती 8 अक्टूबर के होई।

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।