गोरखपुर जिला के चौरीचौरा क्षेत्र के मुंडेरा बाजार के कस्बा में शुक्क के दुपहर एक बजे चोर सब बड़ चुनौती देहले बानें सब। चोर कुल प्रेमचंद जायसवाल के सराफा दुकान के तिजोरी खोलकर 20 ग्राम सोना अउरी लगभग 5 किलो चांदी उठा ले गइलें। चोरी कइल गइल गहना के कीमत चार लाख बतावल जा रहल बा। प्रेमचंद जायसवाल घटना के सूचना पुलिस के देहलें। पुलिस अभिन जांच करते रहल कि कुछ दूरी पर स्थित एगो कपड़ा के दुकान से भी चोर सब 25 हजार नकद उठा ले गइलें।
जानकारी के मुताबिक, प्रेमचंद जायसवाल के मुंडेरा बाजार स्थित सनातन धर्म भवन के लग्गे सराफा की दुकान ह। नीचे दुकान अउरी ऊपर मकान बा। ऊ तिजोरी बंद कsके पास के ही एगो बैंक में कुछ काम से चल गइल रहलें। वापस लौटलें त देखलें कि तिजोरी खुलल बा। उ पुलिस के देहल तहरीर में पांच किलो चांदी अउरी 20 ग्राम सोना के जेवरात चोरी होखले के बात कहलें।
पुलिस मामिला के जांच पड़ताल में जुट गइल बा। सीसीटीवी फुटेज के आधार पर पुलिस कुछ लोग के हिरासत में लिहले बा। उनसे पूछताछ कइल जा रहल बा। पुलिस के आशंका बा कि पकड़ल गइल लोग से चोरी के खुलासा हो जाई।