गोरखपुर विश्वविद्यालय परिसर में सोमवार के युवक जबर्दस्ती छात्र के बात करे खातीर मजबूर क देलस। मना कईला पे उ छात्रा के संगे बदसलूकी कईले। व्यथित छात्रा 1090 पे फोन क घटना के जानकारी देलस। मौका पे पहुंचल पुलिस आरोपी युवक के गिरफ्तार क लेलस। हालांकि युवक के पकड़ला के बाद लईकी आपन शिकायत देवे से इनकार क देलस। हालांकि पुलिस आरोपी के खिलाफ मामला दर्ज क के कार्रवाई करतिया।
गिरफ्तार आरोपी के पहचान सिंघडिया निवासी दीपक मौर्य के रूप में भईल बा। ऊ संगमरमर के कारोबार करेलें. पुलिस के जांच में पता चलल बा कि युवक आ महिला के बीच पछिला 6 साल से दोस्ती रहे। परिवार के हस्तक्षेप के बाद लईकी ओकरा से बात नईखे कईल चाहत, लेकिन आरोपी ओकरा मोबाइल पे बात करे खातीर दबाव बनावत रहे।
जानकारी के मुताबिक रामगढ़ताल इलाका में रहेवाला छात्र सिंघडिया के दीपक मौर्य उनुका से परिचित बाड़े। करीब 6 साल तक दुनो लोग के बीच दोस्ती रहे, लेकिन रिश्तेदार के समझवला के बाद लईकी फोन पे बात कईल बंद क देलस। लेकिन पछिला एक महीना से उ युवक जबरन ओकरा पीछे-पीछे चलत रहे। उ ओकरा के फोन पे बात करे के दबाव बनावत रहले।
सोमवार के छात्रा कक्षा में शामिल होखे खातीर विश्वविद्यालय में आईल रहे। दुपहरिया के दू बजे पीछा करत युवक भी कैंपस पहुंच गईल। विश्वविद्यालय के गेट के लगे छात्रा के रोक के बतियावे के दबाव बनावे लगले। व्यथित छात्र 1090 पे फोन क के घटना के जानकारी देले। जानकारी मिलते कैंट पुलिस मौका पे पहुंचल आ आरोपी के पकड़ लेलस।
कैंट प्रभारी निरीक्षक रणधीर मिश्रा बतवले कि आरोपी युवक के गिरफ्तार क लिहल गईल बा। जांच में पाता चलल बा कि युवक आ महिला के पहचान पछिला 6 साल से बा। लईकी लिखित शिकायत करे से इनकार क देलस, लेकिन आरोपी के खिलाफ कानूनी कार्रवाई होखता। मंगल के दिने आरोपी के अदालत में पेश कइल जाई।
साभार- अमर उजाला
