गोरखपुर जिला के शाहपुर पुलिस जालसाजी के आरोप में महतारी-बेटा के खिलाफ गुंडा केस दर्ज करवलस। महतारी के गिरोह के नेता बतावल गईल बा। फिलहाल माई-बेटा जेल में बाड़े, अब पुलिस ए गिरोह के रोके खातीर कार्रवाई कईले बिया।
महतारी बेटा के जोड़ी डिजिटल राशन कार्ड एजेंसी, पेट्रोल पंप आ सरकारी नौकरी देवे के नाम पे बिजनौर के तीन निवासी के 1.31 करोड़ रुपया के ठगी कईले बिया। पईसा के मांग पे उ पीड़ित लोग के धमकी देले, जवना के बाद उनुका खिलाफ मामला दर्ज भईल।
एसपी सिटी कृष्ण कुमार बिश्नोई के मुताबिक शाहपुर थाना क्षेत्र के नया गांव नंदनगर के निवासी मोहित कुमार गुप्ता आ उनुकर महतारी सुभद्रानंद लोग के अपना जाल में फंसवले आ नौकरी समेत अलग-अलग काम खातीर पईसा लेत रहले। ना त ओह लोग के काम भइल ना पइसा लउटवलस।
जनता से हड़पल पईसा से माई-बेटा आपन आराम आ सुविधा आ परिवार के लोग के नाम पे अचल संपत्ति भी खरीदत रहले। एकरा अलावे उ अपना पैतृक पुरान घर के भीतरी सजावट के संगे आरामदायक जीवन जीयत रहले आ अवैध तरीका से पईसा कमावत रहले।
एसपी बतवले कि जालसाजी के मामला में महतारी-बेटा के जोड़ी के सात महीना पहिले गिरफ्तार क जेल भेज दिहल गईल रहे। फिलहाल दुनो लोग जेल में बाड़े। अब ओकरा खिलाफ गैंगस्टर एक्शन भी हो गईल बा। संपत्ति के विवरण एकट्ठा कइल जा रहल बा।
साभार- अमर उजाला
