गोरखपुर: ऑल इंडिया टेनिस बॉल लीग (दिन-रात) प्रतियोगिता 1 से 6 सितंबर ले सरकारी जुबली इंटर कॉलेज के खेल मैदान में करावल जाई। एहमें देश के 16 राज्यन के 250 से अधिका खिलाड़ी भाग लीहें।
ई जानकारी सोमार के दिने भइल प्रेस कांफ्रेंस के दौरान प्रतियोगिता के आयोजक आ उत्तर प्रदेश टेनिस बॉल क्रिकेट एसोसिएशन के अध्यक्ष देवेन्द्र पाल दिहले। उ बतवले कि प्रतियोगिता में चार टीम स्थानीय होई। एकरा अलावे छत्तीसगढ़, गोवा, जम्मू-कश्मीर, केरला, उत्तराखंड, तमिलनाडु, महाराष्ट्र, बिहार, पांडुचेरी, मुंबई, राजस्थान, झारखंड, असम, एआईआईबी विदर्भ आदि के टीम के शामिल कईल जाई।
उ कहले कि पहिला स्थान पs आवे वाली टीम के तीन लाख रुपिया के नकद पुरस्कार अवुरी ट्रॉफी दिहल जाई, जबकि दूसरा स्थान पs आवे वाली टीम के दु लाख रुपया के नकद पुरस्कार अवुरी ट्रॉफी दिहल जाई। जबकि तीसरा स्थान के टीम के 60 हजार रुपिया अवुरी चउथा स्थान के टीम के 40 हजार रुपिया के नकद पुरस्कार दिहल जाई। एकरा अलावे हर मैच में मैन ऑफ द मैच के रूप में स्मार्ट वॉच दिहल जाई। एह सीरीज के मैच बल्लेबाजी आ गेंदबाजी दुनु के श्रेणी में दू-दू गो खिलाड़ियन के दिहल जाई। एहमें एलईडी टीवी का साथे 11 हजार रुपिया के नकद पुरस्कार दिहल जाई। बता दी कि एह प्रतियोगिता के उद्घाटन सांसद रविकिशन शुक्ला करीहें। जबकि एह निष्कर्ष पs मुख्यमंत्री के शामिल होखे के संभावना बा।
