लगभग एक साल बाद गोरखपुर विकास प्राधिकरण (जीडीए) त्वरित आर्थिक योजना के माध्यम से विकास के काम करा के शहर के रोशन करे जा रहल बा। लगभग 77 करोड़ रुपिया के लागत से 45 गो काम के प्रस्ताव जीडीए के उपाध्यक्ष आनंद वर्धन जिला मजिस्ट्रेट के माध्यम से सरकार के भेज रहल बाड़े। एह प्रस्ताव के जल्दिए ग्रीन सिग्नल मिले के उमेद बा। एह में कालोनी सभ के सड़क आ नाली के साथे प्लैनेटोरियम इलाका में जल निकाय पs घोषित पुल भी सामिल बा। एह पुल पs 17 करोड़ से अधिका के खरच होखी।
एक साल से कवनो नया काम नइखे भइल
पिछला एक साल में त्वरित आर्थिक विकास योजना के तहत जीडीए के ओर से कवनो नाया काम ना भईल। अब एक बेर फेरु से ई काम शुरू हो रहल बा। प्राधिकरण के ओर से भेजल जा रहल प्रस्ताव में सबसे बड़ योजना बा कि पानी के निकाय पs दु लेन के पुल बनावल जाए। एहसे तारामंडल के दुनो इलाका के जोड़े खातीर वैकल्पिक मार्ग बन जाई। योगीराज बाबा गंभीरनाथ सभागार के पीछे के हिस्सा वसुंधरा एन्क्लेव प्रेक्षागृह से जुड़ल होई।
देवरिया बाईपास तक पहुंचल आसान हो जाई
देवरिया बाईपास ले पहुंचल लोग के आसान हो जाई। एकरा संगे राप्तीनगर में स्थित रेल विहार फेज 1 कालोनी के लंबा समय से क्षतिग्रस्त सड़क के दिन भी बहुरी। कालोनी के निवासी कई बेर अयीसन मांग करत आईल बाड़े। सरकार के भेजल प्रस्ताव में करीब डेढ़ किलोमीटर लंबाई में आरसीसी सड़क अवुरी नाली के काम के शामिल कईल गईल बा। अनुमान बा कि एकरा में पांच करोड़ 18 लाख रुपिया से जादे खर्चा होई। विंध्यवासिनी पार्क के सौंदर्यीकरण के काम में भी जीडीए साढ़े तीन करोड़ रु lपिया खर्च करी।
अधिकारी का कहत बाड़े
जीडीए के उपाध्यक्ष आनंद वर्द्धन कहले कि त्वरित आर्थिक विकास योजना के तहत 45 विकास से जुड़ल काम के प्रस्ताव सरकार के भेजल जाता। मंजूरी मिलला के बाद पूरा क्वालिटी के संगे समय पs निर्माण के काम हो जाई।
