कुछ जालसाज लोग ठगी के नया तरीका ढूंढ निकलले बानें। ऊ आंगनबाड़ी वर्करन के फोन कs के अपना के स्वास्थ्य विभाग के कर्मचारी बता के पहिले धमकावत फिर उनकर आधार नंबर अउर पता ले के उनकर अकाउंट खाली कs दे रहल बानें। डीपीओ अइसन जालसाजन से वर्करन के सतर्क रहले अउर कौनो के झांसा में न अइले के बात कहले बानें।
बाल विकास परियोजना खोराबार के भरवलिया बुजुर्ग के एक आंगनबाड़ी वर्कर के कौनो फोन कइलस। अपना नाम डॉ. अजय बतवलें। कहलें कि ऊ स्वास्थ्य विभाग से बोल रहल बानें। उनकर शिकायत सात लोग कइले बानें। कहलें, शिकायतकर्ता के कहनाम बा कि उ पोषाहार के वितरण नाइ करेली।
एकरे बाद ऊ एक एप भेजलें जेसे डाउन लोड कते के कहनें। एकरे बाद आंगनबाड़ी वर्कर के खाता से तीन हजार रुपया कट गइल। ऊ एकर शिकायत खोराबार के सीडीपीओ से कइली।
जिला कार्यक्रम अधिकारी हेमंत सिंह के कहनाम बा कि आंगनबाड़ी के फोन कs के जालसाजी करे वाले कुछ लोग सक्रिय बानें। एह तरह के मामिला पहले भी आ चुकल बा। वर्कर केहू के झांसा में न आवें।