UP News : डीजी रैंक के पांच अफसरन के तबादला, प्रशांत कुमार के क्राइम आ ईओडब्ल्यू के मिलल जिम्मेदारी

आरके विश्वकर्मा के कार्यवाहक डीजीपी बनवला के संगे राज्य सरकार सुक के डीजी रैंक के पांच अफसरन के एने से ओने कs देलस। एडीजी प्रशांत कुमार के स्पेशल डीजी के पद पs प्रोन्नत होखला के बाद कानून व्यवस्था आ अपराध के स्पेशल डीजी बनावल गइल बा। संगही, ईओडब्ल्यू के अतिरिक्त कार्यभार सउपल गइल बा।

डीजी सीबीसीआईडी विजय कुमार के निदेशक सतर्कता के अतिरिक्त प्रभार दिहल गइल बा। डीजी जेल आनंद कुमार के हटाके कोआपरेटिव सेल भेजल गइल बा। डीजी पावर कार्पोरेशन एसएन साबत के डीजी जेल बनावल गइल बा। एडीजी क्राइम रहल एमके बशाल के स्पेशल डीजी पावर कार्पोरेशन बनावल गइल बा।