इंग्लैंड के टीम सोमार के जब ग्रुप बी में फीफा विश्वकप के मैच में ईरान के सामना करी त ऊ ईरान के हल्का में लेबे के गलती नाइ करी। एह मैच में जीत के दावेदार इंग्लैंड के मानल जा रहल बा अउर कोच गैरेथ साउथगेट के टीम एह मैच के बड़ अंतर से अपने नाम कइल चाही, लेकिन ईरान के लग्गे उनके कोच कार्लोस क्वीरोज बानें जौन सर एलेक्स फर्ग्यूसन के सहायक कोच रह चुकल बानें। क्वीरोज अपने टीम के इहां ले लेके आइल बानें अउर ऊ बड़ टीम पर आपन छाप छोड़ल चहिहें।
आज के तीनो मैच कब अउर कहां
| मैच | मैदान | समय |
| इंग्लैंड बनाम ईरान | खलीफा इंटरनेशनल स्टेडियम | साँझ 6:30 बजे |
| नीदरलैंड बनाम सेनेगल | अल थुमामा स्टेडियम | रात 9:30 बजे |
| अमेरिका बनाम वेल्स | अल रयान स्टेडियम | रात 12:30 बजे |