आज देश भर में महाशिवरात्रि पर्व मनावल जा रहल बा। शिवालय आ शिव मंदिरन में सबेरे से भक्तन के भारी भीड़ देखे के मिलत बा. एकरा संगे काशी विश्वनाथ में मुख्य पुजारी भोर से भगवान शिव के विशेष पूजा में लागल बाड़े। आजु काशी विश्वनाथ के बारात निकालल जाई, एह बारात में नागा साधू, अघोरी आ शिवभक्त लोग भाग लीहें. मानल जाला कि एही दिन शिव आ शक्ति के मिलन भइल। भगवान के दर्शन आ अभिषेक खातिर भक्त सबेरे से कतार में खड़ा बाड़े।
आरती के कइल गइल
महाशिवरात्रि के अवसर पs काशी विश्वनाथ के विशेष पूजा कइल गइल बा। शिवलिंग के विधिवत नहा के फूल से माला बनावल जात रहे। एकरा बाद विशेष मंगला आरती भी कइल गइल बा। जानकारी खातिर बता दीं कि सबेरे के आरती के मंगला आरती कहल जाला।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
प्रशासन के ओर से आंकड़ा के खुलासा
हर दिन 5 से 6 लाख लोग काशी विश्वनाथ मंदिर में दर्शन खातीर आवत बाड़े. मंदिर प्रशासन इs बात बतवले बा। उs फरवरी महीना में आईल सभ भक्त के नंबर भी जारी कs देले बाड़े। एकरा अलावे इहो जानकारी दिहल गईल बा कि महाशिवरात्रि के दिन 14 से 15 लाख के बीच लोग दर्शन खातीर आ सकतारे। मंदिर प्रशासन के कहनाम बा कि 23 फरवरी के 6,96,658 श्रद्धालु के बाबा के दर्शन भईल रहे। एही समय 24 फरवरी 2025 के रात 09:00 बजे ले काशी विश्वनाथ में 5,06,897 श्रद्धालु लोग आपन उपस्थिति दर्ज करवले।
अपील कइल गइल
काशी विश्वनाथ मंदिर प्रशासन महाकुंभ आयोजन के सफलतापूर्वक पूरा करे के दिशा में मंदिर प्रशासन के ओर से लगातार प्रयास कईल जाता। स्थानीय पुलिस, प्रशासन आ मंदिर के निर्देश के पालन करे आ दोसरा भक्तन के ध्यान में राखत संयम, भक्ति आ श्रद्धा से बाबा विश्वनाथ जी के दर्शन करे के सभका से अपील बा। एकरा संगे भीड़ के प्रबंधन के चक्कर में मंदिर प्रशासन वीआईपी दर्शन के सुविधा भी 27 फरवरी तक बंद कs देले बा।
इहो पढ़ीं: भक्तिमय सोमार: ‘श्रद्धा के सागर’ भक्तन के कुल कष्ट दूर करेली गोरखपुर के ‘मां करवल देवी’
