महाशिवरात्रि के दिन 26 फरवरी के मुख्यमंत्री योगी आदित्यनाथ आ सकतारे। प्रस्तावित कार्यक्रम के मुताबिक महाशिवरात्रि पs सीएम गोरखनाथ के मनसरोवर मंदिर में जलाभिषेक अवुरी पीपीगंज के भरोहिया के शिव मंदिर में रुद्राभिषेक करीहे। सीएम के आवे के तइयारी पुलिस-प्रशासन शुरू कs दिहले बा.
जानकारी के मुताबिक सीएम योगी 26 फरवरी के आईहे अवुरी गोरखनाथ मंदिर में गुरु गोरखनाथ के पूजा करीहे। एकरा बाद गोरखनाथ में स्थित मानसरोवर मंदिर में जलाभिषेक करीहें आ ओकरा बाद पीपीगंज के भरोहिया में स्थित शिव मंदिर में जइहें, जहाँ ऊ रुद्राभिषेक करीहें. कार्यक्रम के तइयारी शुरू हो गइल बा.
सोमार के दिने आयुक्त अनिल ढिंगरा आ डीआईजी आनंद कुलकर्णी मानसरोवर मंदिर परिसर में जाके तइयारी के जायजा लिहले.उs सुरक्षा व्यवस्था, भीड़ नियंत्रण, सफाई, चिकित्सा सुविधा अवुरी बाकी व्यवस्था के बारीकी से समीक्षा कईले अवुरी अधिकारी के जरूरी निर्देश देले।
उs कहले कि भीड़ अवुरी व्यवस्था के निगरानी सीसीटीवी कैमरा के माध्यम से होखे के चाही। अधिकारियन के निर्देश दिहलस कि भक्तन के कवनो तरह के असुविधा के सामना ना करे के चाहीं. मंदिर परिसर में साफ-सफाई आ यातायात प्रबंधन आदि के इंतजाम करे के निर्देश भी देले।
डीआईजी आनंद कुलकर्णी पुलिस अवुरी प्रशासनिक अधिकारी के अलर्ट मोड में रहे अवुरी कवनो आपातकालीन स्थिति से निपटे खातीर पूरा तरीका से तैयार रहे के निर्देश देले, उs कहले कि सुरक्षा के संबंध में कवनो स्तर पs कवनो चूक ना होखे के चाही अवुरी पर्याप्त संख्या में पुलिस बल के तैनाती होखे के चाही, ताकि भक्त के निर्बाध दर्शन हो सके। निरीक्षण के दौरान डीएम कृष्ण करुणेश, एसएसपी डॉ. गौरव ग्रोवर भी मौजूद रहे.
इहो पढ़ीं: शरीर में बढ़ गइल बा यूरिक एसिड के मात्रा, तs खाई इs चटनी जल्दिए नजर आई फर्क
