जर्मन रिसर्च सेंटर फॉर जियोसाइंसेज (जीएफजेड) के कहल बा कि बुध के दिने उत्तर पश्चिमी अफगानिस्तान में 6.3 तीव्रता के भूकंप आइल। जीएफजेड के कहनाम बा कि भूकंप 10 किमी (6.21 मील) गहराई पs आईल बा। देश के राष्ट्रीय आपदा प्राधिकरण के कहना बा कि सात अक्टूबर के पश्चिमी अफगानिस्तान में आइल दू गो 6.1 तीव्रता के भूकंप से दर्जनो लोग के मउत हो गइल। तालिबान के प्रवक्ता बतवले कि पश्चिमी अफगानिस्तान में आइल एगो तेज भूकंप से मरे वालन के गिनिती दू हजार हो गइल बा।
अफगानिस्तान के हेरात प्रांत में आईल भूकंप में 4000 से जादे लोग के मउत हो गईल बा अवुरी हजारों आवासीय घर तबाह हो गईल बा। अफगानिस्तान के आपदा प्रबंधन मंत्रालय शनिचर के दिने एलान कइले रहुवे कि हेरात के 20 गाँवन में 1983 आवासीय मकान भी तबाह हो गइल बा। तालिबान अबहीं ले हेरात में आइल भूकंप से मरे वाला आ घवाहिल लोग के संख्या नइखे बतवले। खामा प्रेस के मुताबिक, मंत्रालय एगो समाचार विज्ञप्ति जारी कs कहलस कि काबुल में एगो प्रेस कांफ्रेंस के बाद सोमवार के 1000 लोग के संगे 35 राष्ट्रीय अवुरी विदेशी खोज अवुरी बचाव टीम भूकंप स्थल पs गईल रहे।
An earthquake with a magnitude of 6.1 on the Richter Scale hit Afghanistan at 06:11 am today: National Center for Seismology pic.twitter.com/ta7McYoN8n
— ANI (@ANI) October 11, 2023
तालिबान कहलस – भूकंप के चलते हजारों लोग के मउत हो गईल
तालिबान के कहना बा कि समूह के कमांडर हिबतुल्ला अखुंदज़ादा के नेतृत्व में एगो टीम भी हेरात गइल रहे आ भूकंप पीड़ितन के मदद करे के वादा कइले बा। तालिबान के मुताबिक मलबा के नीचे दफन लोग के बचाव अवुरी राहत के काम अबे ले चलता। यूरोपीय संघ आ विश्व स्वास्थ्य संगठन हेरात भूकंप पीड़ितन के नकद, भोजन आ चिकित्सा सहायता के वादा कइले बा। पझवोक न्यूज के खबर के मुताबिक, तालिबान के प्रवक्ता जबीहुल्लाह मुजाहिद प्राकृतिक आपदा प्रबंधन प्राधिकरण के प्रतिनिधि के हवाला से कहले कि, 2,053 लोग के मउत हो गईल बा अवुरी 1,240 से जादे लोग घाही हो गईल बाड़े।
एकरा से पहिले जून 2022 में पूरबी अफगानिस्तान के एगो उबड़-खाबड़, पहाड़ी इलाका में एगो तेज भूकंप आईल अवुरी पत्थर अवुरी मिट्टी-ईंट से बनल ईंट के घर जमीन पs गिर गईल। ई भूकंप अफगानिस्तान में दू दशक में आइल सबले जानलेवा भूकंप रहल जवना में नाहियो त डेढ़ हजार लोग के मउत हो गइल आ करीब डेढ़ हजार लोग घवाहिल हो गइल।
