आजु सबेरे पश्चिम बंगाल के कई इलाका में तेज भूकंप के झटका महसूस भइल. एकरा संगे आज सबेरे 6.10 बजे ओडिशा अवुरी झारखंड के कुछ जिला में भूकंप के झटका भी महसूस भईल। भूकंप के असर समुंद्र के नीचे रहे, जवना के चलते जमीन के सतह पs एकर असर कम देखाई देलस। जानकारी के मुताबिक भूकंप के तीव्रता 5.1 बतावल गईल बा। भूकंप के चलते कवनो जान के नुकसान के जानकारी नईखे, बाकिर भूकंप के डर से लोग घर से बाहर निकल गईले। समुद्र के नीचे होखे वाला भूकंप के चलते समुंदर के नजदीक रहेवाला लोग में डर के माहौल बा। कोलकाता में भी भूकंप के तेज भूकंप महसूस भईल, बाकिर भूकंप कुछ पल खातिर महसूस भईल।
ओडिशा के एह जिलन में महसूस भइल भूकंप के झटका
खास कs के ओडिशा के राजधानी भुवनेश्वर, पुरी, पारादीप, बारीपदा, संबलपुर, अनुगुल, केंद्रापड़ा, जगतसिंहपुर आ बालेश्वर में ई भूकंप महसूस कइल गइल. भूकंप के तीव्रता रिक्टर पैमाना पs 5.1 नापल गईल बा। भूकंप के केन्द्र बंगाल के खाड़ी में बतावल जाता। बतावल जात बा कि आजु सबेरे भारत समेत बांग्लादेश के कई हिस्सा में भूकंप के झटका महसूस भइल. ओडिशा में आइल भूकंप के केन्द्र पुरी से 286 किलोमीटर आ बरहमपुर से 394 किलोमीटर दूर होखे के खबर बा.
झारखंड में भी भूकंप
झारखंड के राजधानी रांची में सबेरे 6 बजे भूकंप के झटका महसूस भइल। हालांकि इहाँ के भूकंप के तीव्रता के रिकॉर्ड अबे ले नईखे बतावल गईल, ना ही अबे ले ए भूकंप के चलते कवनो नुकसान के खबर नईखे आईल। भूकंप के अहसास होते लोग घर से बाहर निकलल। आईएमडी के अधिकारी बतवले कि भूकंप के केन्द्र अक्षांश 19.52 उत्तर अवुरी देशांतर 88.55 पूर्व में महसूस भईल। फिलहाल भूकंप के चलते लोग के घबराहट के जरूरत नईखे बाकिर सावधान रहे के जरूरत बा।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
