मुजफ्फरनगर में महिला सिपाही के जिंदा जरके मौत: सिपाही पति के साथ जात रही, डंपर पति के कुचललस 

khabar Bhojpuri Desk

मुजफ्फरनगर में मंगर के सबेरे भीषण हादसा में सिपाही पति-पत्नी के मौत हो गइल। बाइक से जा रहल दंपती के तेज रफ्तार डंपर टक्कर मार देलस। हादसा में डंपर पति के रउद देलस, जबकि पत्नी केबिन में फंस गइली। ओकरा के करीब 20 मीटर तक डंपर घसीटत ले गइल।

आगे जाके डंपर बिजली के पोल से टकरा गइल। एमे ऊपर से गुजर रहल हाईटेंशन लाइन टूटके गिर गइल। जवना से आग लाग गइल। पलक झपकतही पूरा डंपर जल गइल।

लोग महिला सिपाही के आग से बाहर निकाले के कोसिस कइल। बाकिर, लपट एतना तेज रहे कि लोग निकाल ना सकल। हादसा दिल्ली-देहरादून हाईवे पs बिलासपुर कट पs भइल। डंपर चालक मवका से फरार हो गइल।

पति-पत्नी मुरादाबाद में पोस्टेड रहे लो। सुधीर कटघर आ सोनिया नागफानी थाना में तैनात रहे लो।

Share This Article
खबर भोजपुरी के आधिकारिक समाचार अपडेट प्रोफ़ाइल पs रउआ सभे के स्वागत बा।