खतरोन के खिलाडी 13 के ग्रैंड फाइनल में डिनो जेम्स जीत हासिल कइले बाड़न।एह लोकप्रिय स्टंट आधारित रियलिटी शो के तेरहवाँ सीजन के खिताब ऊ जीत लिहले जवना में ऊ अरिजीत तनेजा आ ऐश्वर्या शर्मा के हरा दिहले।
शनिचर के रात एह शो के ग्रैंड फिनाले भइल आ एह सीजन के सगरी प्रतियोगी एह फाइनल में मौजूद रहले। फाइनल एपिसोड में तीनों फाइनल में शामिल लोग शो खातिर आखिरी काम कइल जबकि कुछ प्रतियोगी फाइनल स्टेज पs नाच के सभका के मनोरंजन कइले।
डिनो जेम्स के हवें?
‘खतरों के खिलाडी’ के तेरहवाँ सीजन बहुते हिट हो रहल बा, आ एह सीजन में सेलिब्रिटी प्रतियोगी एक दोसरा से मुकाबला करत बाड़े। शो के विजेता डिनो जेम्स ई महत्वपूर्ण खिताब जीत चुकल बाड़न।
डिनो जेम्स एगो प्रमुख गायक आ रैपर हउवें जे अपना संगीत कैरियर में ‘बॉयफ्रेंड,’ ‘धीरे धीरे,’ आ ‘होये इश्क ना’ जइसन कई गो हिट गाना से आपन पहचान बना चुकल बाड़न। सोशल मीडिया पs भी उनकर बहुत लोकप्रियता बा आ उनकर गाना के बहुत बड़ फैन फॉलोइंग बा। एकरा बाद ‘खतरों के खिलाडी 13’ के विजेता के रूप में उ अपना निशान अवुरी प्रतिस्पर्धी भविष्य के ओर एगो महत्वपूर्ण कदम उठवले बाड़े।
स्टंट का रहे?
फाइनल में प्रतियोगियन के चॉपर स्टंट करे के पड़ल। एह में ओह लोग के चुनौतीपूर्ण काम रहे कि ऊ लोग हेलीकाप्टर पs चढ़ के रस्सी से बनल जाल के पार कs के एगो चाभी निकाल लेव, आ फेर ओह चाभी के लेके पानी में कूद जाव। अर्जित तनेजा सबसे पहिले एह काम के पूरा कइलन आ ऊ शानदार प्रदर्शन कइलन। एकरा बाद ऐश्वर्या शर्मा के एह चुनौती के सामना करे के पड़ल, लेकिन उ एकरा के पूरा ना कs पवली। आखिर में डिनो जेम्स के बारी आइल आ ऊ सबसे कम समय में चरण पूरा कs लिहलन।
शो खतरों के खिलाडी के शूटिंग दक्षिण अफ्रीका के केप टाउन में भइल रहे आ दू अक्टूबर के खतरों के खिलाडी 13 के शूटिंग के आखिरी दिन रहे। रोहित शेट्टी भी सोशल मीडिया पs ए पोस्ट के शेयर कs के सभे दर्शक के धन्यवाद देले।
विजेता के ट्रॉफी के संगे गाड़ी अवुरी 20 लाख रुपिया मिलल
डिनो जेम्स के सीजन 13 जीते के इनाम के रूप में ट्रॉफी, 20 लाख रुपिया के चेक अवुरी मारुति स्विफ्ट कार दिहल गईल।
जीत के बाद डिनो जेम्स का कहले?
डिनो जेम्स अपना जीत के बाद कहले कि, हम खतरों के खिलाडी 13 के हिस्सा बन गईनी, इ हमरा जीवन में बहुत बड़ आशीर्वाद बा। हम मेकर्स के आभारी बानी जे हमरा के शो में मौका दिहल। रोहित शेट्टी सर से मिलल सराहना आ अपना डर से परे बढ़े के मउका के हम महत्व देत बानी। हम कबो ना सोचले रहनी कि हमरा में अपना के विकसित करे के क्षमता बा। एह शो में जवन दोस्ती बनवनी ऊ एकदम अप्रत्याशित रहे बाकिर अनमोल रहे।”
