भटनी: बियाह में शराब पियला के बाद एगो दूल्हा के जयमाल स्टेज पे पहुंचे में परेशानी भईल। स्टेज पे दुल्हिन हरकत देख के दुल्हिन बियाह करे से मना क देली। एहसे ओहिजा बवाल मच गइल। जब विवाद बढ़ल त घराती पक्ष यूपी 112 पुलिस के फोन कईलस। पुलिस के देख के हंगामा हो गईल अवुरी उनुकर साथी भाग गईले। बाद में बुध के दिने रात भर पंचायत करा के दुनु पक्ष के बड़का लोग कवनो ना कवनो तरीका से बियाह करावे के कोशिश कइल बाकिर बाराती आ घरती पक्ष के लोग दुलहिन के सख्त रवैया के सोझा पीछे हट गइल। एकरा बाद बारात बिना दुल्हिन के वापस आ गईल।
भटनी के वीरसिंहपुर गांव में खुखुन्दू के अमवा पाण्डेय से बुध के रात एगो बियाह के बारात निकलल रहुवे। इहाँ द्वार पूजा से लेके अन्य संस्कार तक उल्लास से कईल जात रहे। जयमाल समारोह खातीर दूल्हा स्टेज पे पहुंचले। कुछ समय में दुलहिन भी उहाँ पहुँच गईली। उ देखलस कि दुल्हा शराब के नशा में अपना के काबू में ना पाव तारे। मंच पे ही नशा में धुत्त दुल्हिन के संगे उ बदसलूकी करे लगले। दुल्हिन के रोकला पे दूल्हा खिसिया के दुल्हिन के गारी-गलौज करे लगले। इ सब देख के मौका पे मौजूद अवुरी लोग माहौल के शांत करे के कोशिश करत रहले, तबे दुल्हिन बियाह करे से मना क देलस। एकरा बाद दुल्हिन जयमाल स्टेज से उतर गईल। जवना के चलते हंगामा मच गईल। हालात बिगड़त देख के अधिकांश बाराती भाग गईले। गाँव के लोग दूल्हा आ उनकर बाबूजी के रोक दिहले। खबर आईल कि उनुका के भी बंधक बना लिहल गईल बा। जानकारी मिलते भटनी थाना के 112 पुलिस टीम मौका पे पहुंच गईल। पुलिस के देख के दूल्हा अवुरी ओकर साथी कवनो तरीका से मौका से भागे में कामयाब हो गईले। बाराती आ घराती पक्ष के बड़का लोग रिश्तेदारन के साथे मिल के कवनो तरह से बियाह करावे के कोशिश कइल बाकिर दुलहिन के साफ मना कइला के चलते काम ना भइल। एकरा बाद बराती बिना दुलहिन के घर में लवट अइली। एसओ वीरेन्द्र कुशवाहा बतवले कि दुल्हा नशा में धुत्त होखला के चलते दुल्हिन बियाह करे से मना क देले। पुलिस मौका पे पहुंच के गुरुवार के सबेरे दुनो पक्ष के थाना बोलवले। बाकिर अबहीं ले केहू नइखे आइल। तहरीर मिलला पे कार्रवाई कइल जाई।
